Publisert 27. juni 2023, kl. 08:22
Sist redigert 27. juni 2023, kl. 08:37
Det årlege sommartreffet vart arrangert i Årdal 19.-20. juni. Leiar i Årdal Pensjonistlag Odd Øvregard og hans medhjelparar hadde laga til eit fantastisk og tettpakka arrangement.
Nokre av oss vandra gjennom Utladalen og fekk ein lett dusj frå Avedalsfossen og ikkje minst frå Vettisfossen, godt rettleia og informert av flotte guidar.
Andre tok turen til Indre Ofredal, på spanande køyreveg med ein bratt, bratt, bratt tunell og omvisning "ne fø sjøn".
Tusen takk til alle dykk som gjorde dette til ei oppleving.
Klar for tur i Utladalen
Guidane under Vettisfossen
Indre Ofredal, "Ne fø sjøn"
Sjølve treffet var i Kulturhuset i Øvre Årdal tysdagen. 300 personar frå 20 lokallag i fylket og frå eldresenteret i Årdal fylte opp salen og fekk oppleve eit variert program med Visit Årdal, Hydro og ikkje minst musikk med Longhorn.
Vi avslutta to flott dagar med mat hos Henrik på Samhold. Den var jammen god!
Salen vart fylt opp
Svoltne og klar for mat
Tusen takk til Årdal Pensjonistlag for engasjement, positivitet og ikkje minst alt arbeidet de har lagt ned for å få dette til.
Leiar i Årdal Pensjonistlag, Odd Øvregard.
