Førde Pensjonistlag

Pensjonistforbundet Sogn og Fjordane

Leiar i Eldrerådet, Per Kjelstad, vart innleiingsvis intervjua av Eldgrim Fossheim om kva som er dei viktigaste spørsmåla som vi vil ha svar på når det gjeld eldreomsorg i kommunen. Kommunen som eit aldersvennleg samfunn med nok sjukeheimsplassar, rekruttering av kvalifisert personale til helse- og omsorg er viktige tema. I tillegg vil dei fleste bu heime så lenge det kjennest trygt, men korleis sikre institusjonsplassar når det ikkje lenger er situasjonen?

Ein fullsett sal i Festsalen i Førdehuset med eit engasjert publikum fekk høve til å stille spørsmål, mellom anna om økonomi, budsjett og bindingar som handlingsregelen legg på investering og drift, bustadpolitikk for eldre og bemanning i omsorgstenesta.

Alle ville bygge nye sjukeheimsplassar. Dei borgerlege partia ville at ny sjukeheim skulle stå ferdig i 2030, medan Arbeidarpartiet og SV vil forsere byggetida med raskare ferdigstilling. Bemanning var også eit sentralt tema i debatten der Arbeidarpartiet og SV var tydelegast på at grunnbemanninga innan helse og omsorg bør aukast i høve dagens nivå.

Debatten vart avslutta med at politikarane fekk ordet til ein sluttappell.

Kommunevalet. Paneldebatt om eldreomsorg i Sunnfjord Kommune

IMG_1309

Asbjørn Vie og Jorunn Russøy underheld med 
frisk song og musikk

IMG_1312

Kurs i førstehjelp med Norvall Nøringset

IMG_1311

Inger Cesilie Fitje frå Home-Start Familiekontakten

IMG_1310

Det vart ein kjekk dag med mykje aktivitet og moro, der 40-50 gjester stakk innom.

Per Øyvind Storetveit som er dagleg leiar i Hafstadparken ønskte oss velkomen og orienterte om tilbodet som er der no, og litt utviklingsplanar framover. Det store løftet er å skifte banedekke på fotballbanene, og så ønskjer dei å bygge ein fotballhall for å halde oppe aktiviteten om vinteren.

Etter musikk av Asbjørn Vie og Jorunn Russøy var det tid for fritime. Spenst inviterte til trening i uteapparat; Puls til seniortrim på plenen; Førde Røde Kors til førstehjelpskurs; fysio- og ergoterapeutar frå Sunnfjord Kommune inviterte til å måle handstyrke og Pensjonistlaget og Home-Start Familekontakten hadde stands der dei informerte om sine aktivitetar.

Etter fritimen inviterte vi på kaffi, te og lappar. Rune Hegrenes heldt foredrag om frivilligheit og kor viktig det er å få til god samhandling mellom frivillige organisasjonar, kommune og næringsliv.

Asbjørn Vie og Jorunn Russøy med nydeleg musikk og song og mange song med.

Tusen takk for ein triveleg dag !

Frisklivsdag i Hafstadparken

IMG_1278

IMG_1279

**Førde Seniorsenter – Oppsummering for vinter / vår 2023.**

Førde Seniorsenter er eit samarbeidsprosjekt mellom Førde Pensjonistlag og Sunnfjord kommune. Det vart starta opp første gong 21. januar 2020 med 33 deltakarar. Sunnfjord kommune betalar utgiftene med husleiga og annonsering. Aktiviteten med ordne til lokalet/ kjøkkenteneste / servering, og program, vert utført av frivillige.

Den flotte kjøkkengjengen er: Signe Forthun, leiar. Aud Nygård, Arnhild Høyvik, Eva Hauge og Oddny Varøystrand. Programnemnda er: Sigrid Grov, Inger Johanne Hjemsæter, Gunnar Bolset og Odd Skrede, leiar. Kjell Sandnes og Monrad Kolstad styrer lydanlegg og kanoner. Monrad lagar og dei fine plakatane. Rønnaug Bolset og Torhild Hvidsten spelar til allsongen.

Odd Skrede har hatt leiaransvaret for Senteret. Kari Valle er kontaktperson med Kommunen.

 Senteret skal vere ein stad der seniorane kan møtast til sosialt samvær, gode samtalar, kaffi/te og enkel servering. Prisane vi har hatt, er på eit nivå som dekker kostnadane.

Det som viste etter kvart, var at med det gode frammøte, oppstod det lengre kø ved disken.

Det kom så forslag no i april om at det vart betalt kr. 50,- inkl. servering og vi tok betaling ved inngangen. Dette fekk oppslutning frå forsamlinga, og 3. mai praktiserte vi den nye ordninga, og vi fekk ein mykje betre flyt ved serveringa. Berre positive tilbakemeldingar. Dette var eit godt forslag, som vi vil praktisere seinare.

 Ved oppstarten hadde vi tysdagane til sosial samling. Så skjedde det ei endring med anna senioraktivitet, så vi måtte flytte til onsdag. Det viser seg at onsdagane er det mykje som skjer på seniorfronten, så for å ikkje komme i kollisjonar, må vi flytte på datoar.

Senteret har lagt opp slik at vi har eit hovudemne på inntil 1/2 time, litt opplesing, musikkinnslag, framføring av song og allsong. Det siste er viktig sosialt å få alle med.

Vi legg vekt på å ha lettare underholdning, og her er song og musikk viktige element.

Det er ei utfordring å finne aktuelle tema å få dette framført. Alt er basert på dugnad.

 Denne vinteren/våren har vi hatt seks sosiale samlingar, fram til mai med desse tema:

18.01 «Nytt bibliotek og nye tenester» med Jorun Systad.

                       15.02 «Ernæring og kosthold» med Marte Ulltang.

03.03 «På tur i Haukedalen» med Gunnar Jan Gjerland.

                       22.03 «Barndomsminner» med Sigrid Grov.

                       19.04 «Angedalsrevyen». Innslag frå årets revy med Torun Vindheim.

                       03.05 «Ete fysst» Med utsikt mot vegen ut. Opplesing v/ Odd Skrede.

 Det har vore godt frammøte til våre samlingar, med i alt 430 i år som er i snitt 72 personar.

I lokala i Rødekorsbygget har vi vore fleire, enn brannføreskriftene tillet. Men godt frammøte er vel stort sett eit luksusproblem. No skal lokala i Rødekorsbygget byggast om, så desse vert ikkje tilgjenge før i januar 2024, så til hausten må ein sjå etter andre lokaler. Her er «Viking» nemnt.

Førde 10. mai 2023.

Odd Skrede.

Stor aktivitet på Seniorsenteret

Det var rekordstort frammøte med om lag 100 medlemer på til stades. Advokatane Stine Bjorøy og Erik Slotterøy fortalde om etablering av framtidsfullmakt og kva som bør passast på når ein opprettar slik fullmakt. Alle kan opprette framtidsfullmakt. Ein bestemmer sjølv kven som skal ivareta interessene dersom noko skulle skje slik at ein ikkje er i stand til det sjølv.

Framtidsfullmakta skal vere skriftleg, ha fullmaktsgjevaren sin signatur og vere stadfesta av to vitne. Dei vanlegaste temaene for framtidsfullmakt er forskot på arv, overføring av fast eigedom og overføring av aksjar. Det må gå tydeleg fram av fullmakta kva som skal overførast. Ved forskot på arv må det framgå om alle arvingar skal fordelast med likt beløp.

Overføring av fast eigedom kan omfatte både sal, pantsetting og utleige.Det er viktig å vere tydeleg på tidspunkt for overdraging, hus til dømes ved flytting til institusjon/sjukeheim. Hytte ved tidspunkt for når fullmakta skal gjelde.

Ved overføring av aksjar er det mest vanleg å selge og overføre beløpet som forskopt på arv. Dette medfører reduksjon av fullmaktsgjevar si kapitalinntekt og reduserer kostnad ved opphald på sjukeheim.

Framtidsfullmakt er eit stort og omfattande tema, så det vart gitt høve til å stille advokatane spørsmål, både i plenum og individuelt. Men det vart no tid til kaffi og rundstykke og ein hyggeleg prat til slutt.

Pensjonistmøte 26. april med framtidsfullmakt, testamente og arv som tema

Britt Tjønneland vil snakke om utfordringar og aktivitetar i fylkeslaget i 2023 og forventningar dei til oss som lokallag. 

I tillegg blir det vanlege årsmøtesaker som årsmelding, rekneskap, aktivitetsplan for 2023, budsjett for 2023 og val. 

Servering av kaffi og rundstykke. Billett kr 100,-

**Vi ønskjer deg velkommen, gledar oss til å sjå deg og håpar du vil melde deg på til: Kjell Sandnes; tlf 908 46 244 /e-post:** [**kjell.sandnes@enivest.net**](mailto:kjell.sandnes@enivest.net) **eller Åsmund Rakke; tlf 901 53 789 /e-post:** [**aasmurak@online.no**](mailto:aasmurak@online.no) **innan 23. februar 2023.**

Sakliste.docx

Styret si årsmelding for 2022 og aktivitetsplan for 2023.doc

Rekneskap for 2022 og revisjonsmelding.docx

Valkomiteen si innstilling.docx

Vedlegg

Velkommen til årsmøte 2023 i Førde Pensjonistlag

**Først vil vi ønskje alle eit riktig godt nyttår !**

Årsmøtet i Førde Pensjonistlag vil bli arrangert  

**Tirsdag 28. februar 2023 i Festsalen i Førdehuset kl 17 00.**

Vi har invitert sekretær Britt Tjønneland frå Sogn og Fjordane Pensjonistlag til å snakke om planar og utfordringar framover, og forventningar som dei har til lokallaga i vårt distrikt. Det er også mogeleg at det kjem gjest frå forbundet sentralt, men det er ikkje avklart enno.

I tillegg vil det bli årsmøte med dei vanlege sakene som årsmelding og rekneskap, aktivitetsplan og budsjett for 2023 og val.

Annonse vil komme i Firda 11. februar 2023

Dersom de har saker som de ønskjer å ta opp så vil vi gjerne at de sender dei til

**styreleiar Kjell Sandnes; (**[**kjell.sandnes@enivest.net**](mailto:kjell.sandnes@enivest.net)**) innan 31. januar 2023**

Med beste helsing

Styret i Førde Pensjonistlag

Årsmøte i Førde Pensjonistlag

Åsmund Rakke og Jan Ryste sin presentasjon av laget og Førde si historie. 

Jubileumspresentasjon .pdf

Førde Pensjonistlag fyller 50 år

Pensjonistforbundet sin hyllest til frivilligheita var mellom anna å arrangere sykkelstafett frå Nordkapp til Arendal.

Stafetten kom til oss den 23. juni, og vi var med å sykle ein av dei spesiallaga syklane (el-sykkel) der det er lov å ta med ein passasjer. vår etappe var frå Statens Vegvesen på Kronborg til Movika.

I tillegg til Oddvar Flataker(syklist) og Odd Skrede (passasjer) var vi 15 - 20 frå vårt lag som sykla i lag med dei til Movika.

I Movika var det grilling, "Ta sjansen", bålbrenning og anna jonsokmoro. I tillegg til sykkelturen hadde vi også ein informasjonsstand i Movika.

Markering av "Frivillighetens år"

Førde Pensjonistlag inviterer til pensjonistmøte i Viking onsdag 21. september kl 15 00. Journalist og forfattar Rune Timberlid vil fortelle om hendingar i Sunnfjord og Sogn og Fjordane den dramatiske krigsvinteren 1945.

I tillegg vil Gerd Nesbø og Leiv Sølvberg frå Midtre Sunnfjord Husflidslag fortelle om sine aktivitetar og mogeleg samarbeid med oss.

I tillegg tilbyr vi hyggeleg sosialt samvær, allsong, kaff og enkel servering.

Arrangementet er ope for alle, både gamle og nye pensjonistar.

Billett kr. 100,-

Velkommen !

Velkommen til pensjonistmøte

Inger Marie Stokker vil snakke om våre utfordringar i 2022 og forventningar til lokallaga. I tillegg bli det vanlege årsmøtesaker som årsmelding, rekneskap, aktivitetsplan og budsjett for 2022 og val. 

Servering av kaffi og rundstykke. Billett kr 200,-

Vi legg ved styret si årsmelding, rekneskap og budsjett og valkomiteens si innstilling.

**Vi ønskjer deg velkommen, gledar oss til å sjå deg og håpar du vil melde deg på til Kjell Sandnes; tlf 908 46 244 eller Åsmund Rakke; tlf 901 53 789 innan 20. februar 2022.**

Vel møtt !

20220208 Innkalling og sakliste.doc

20220208 Årsmelding og rekneskap 2021.doc

20220208 Innstilling valkomiteen.doc

Årsmøte i Førde Pensjonistlag 2022

Med atterhald om at det er mogeleg som følgje av smittevernreglar, vil årsmøte i Førde Pensjonistlag bli arrangert 

**onsdag 23. februar 2022 på Thon Førde Hotell kl 17 00.**

Vi har invitert gjest frå forbundet sentralt (ikkje avklart enno kven som kjem) til å snakke om «Pensjonistforbundet sine utfordringar framover og forventningar dei har til lokallaga»

I tillegg vil det bli dei vanlege årsmøtesakene som årsmelding og rekneskap, aktivitetsplan for 2022, budsjett for 2022 og val.

Annonse vil komme i Firda 6. februar 2022

Dersom de har saker som de ønskjer å ta opp så vil vi gjerne at de sender dei til

styreleiar Kjell Sandnes; (kjell.sandnes@enivest.net) innan 31. januar 2022.

Innkalling, årsmelding og rekneskap for 2020

20210222 Innkalling årsmøte 2021.doc

20210826 Sakliste årsmøte 2021.docx

20210826 Valkomiteen si innstilling.docx

Førde Pensjonistlag - Årsmøte 2021

Hva arbeider vi med?

Medlemsfordeler

Organisasjonskart administrasjonen

Ansatte og tillitsvalgte

Medlemsservice 22 34 87 70

Økonomitelefonen 22 42 73 00

Bekymringstelefonen 94 85 60 04

Smarttelefonen 22 600 700

Telefontjenester

Arrangementer

Logoer og maler

Plusspodden

Webinarer

Filmer

Pressekonferanser

Live-sendinger

Sangboka

Treningsvideoer

Mediebasen

Magasinet Pensjonisten

Ledige stillinger

Om Pensjonistforbundet

Håndbok for tillitsvalgte i lokalforeningene

Nettskjema for årsmøterapport

Skjemaer og hjelpedokumenter for lokalforeninger

Organisasjonskurs

Bruksanvisninger for nettsidene

Landsmøtet 2023

For tillitsvalgte

Nettbutikk

Finn din lokalforening

Din medlemsside

Er du ikke medlem?

Kjell Sandnes