Stordal og Liabygda Pensjonistforening

Pensjonistforbundet Møre og Romsdal

IMG_8329

Ordførar Eva Hove orienterer om Fjord kommune sin kommuneplan - samfunnsdelen.

IMG_8336

IMG_8326

  

Årets første medlemsmøte vart halde på Grendasalen den 11. januar kl. 14.00.  Grendasalen fyltes etter kvart opp og kjekt var det å sjå at ialt 72 personar møtte opp.

Til opning sang vi vår tradisjonelle opningssang «Sangen til bygda» samtidig som Seniordansen svinga seg så lett og glad på scena – Ein fin opplevelse. 

Før ein gjekk vidare på programmet, minnes vi mangeårig medlem  Lars Stavseng, som har gått bort sidan sist vi hadde medlemsmøte. Vi tente lys og held eitt minutt stillheit .

Ord for dagen vart halde av Knut Hove, som las prolog av Tore Holt - ein prolog som vart framført på bondefesten i Stordal i 1932.  Ein fin prolog som heilt sikkert gav ettertanke den tida mellom 1. og 2. verdenskrig.  

Så var det ordførar Eva Hove som gav oss ei utfyllande orientering om Kommuneplanen i Fjord kommune som består av 2 deler:

\-         Samfunnsdelen: Denne delen inneheld dei langsiktige hovudmåla, både som samfunn og organisasjon

\-         Arealdelen: - Denne delen skal vise kva ein skal bruke arealet til, f.eks. bustad, næring, grøntanlegg, turstiar m.m. 

Med tanke på Samfunnsdelen sine 4 hovudmål - har  innbyggjarane  i alle aldersgrupper i kommunen vorte oppmoda til å kome med innspel/tankar om kva som kan gjerast for å støtte desse hovudmåla.

Ønskje som kom igjen frå absolutt alle aldersgrupper,  var spesielt retta mot eitt av måla « Vidareutvikle det gode liv». – det var ønskje om: -Sosiale møteplassar i alle bygdene, - treffpunkt på tvers av bygdene, - trim, aktivisering og underhaldning på institusjonane, - gang- og sykkelstiar m.m..

Ordføraren tok fram at kommunen kan ikkje gjere dette åleine, - kor viktig det er med frilivillig hjelp frå lag og organisasjonar, både med tanke på det økonomiske og gjennomføring av ymse tiltak. 

Som avslutning på dette programinnslaget, framførte Bjørnar Midtbust sin sjølvdikta sang  med tittel og melodi «Har du fyr» Som takk for deira innslag, overrakte leiar kvar sin blomsterbukett til dei.

Repr frå Sparebanken Møre skulle egentleg vere tilstades og orientere om Nettsvindel. Men under møtet fekk ein melding om at dette programinnslaget ikkje vart aktuelt pga mykje sjukdom blant dei tilsette,  Dei beklaga dette sterkt, og lover å kome tilbake på eit seinare medlemsmøte. Dette er eit aktuelt tema som mange har interesse av å få orientering og tips om. 

Etter ny oppvisning av Seniordansen og nokre fellessangar, fint kompagnert av Fylling og Skrove , var det tid for kaffikos med god prat. Kjøkkengjengen serverte gode snittar og gjærkringle som gjekk unna.

Ein trufast og mangeårig medlem i pensjonistlaget vårt er Elise Almås. Den 16. februar vert ho heile 100 år ! Ein fantastisk flott jubilant med godt humør og sprek som få. Frå pensjonistlaget v/leiar Ann Elise Dyrkorn fekk ho overrakt blomster. Vi sang gratulasjonssangen med ståande applaus og ønskjer Elise lykke til med jubileet og at ho får mange gode år enno framover.

Under kaffipausen var det som vanleg åresal. Trepinnane med nummer forsvant fort, og vinnarane fekk etterkvart gevinstane sine.   

Elles var det mykje sang og musikk. Praten og latteren høyrtes i salen – tydeleg at å kome saman og ha det sosialt er noko som vert sett pris på.

Takk til Seniordansen med sine opptredenar og takk til musikarane Fylling og Skrove, som underheldt oss med sin fine musikk og små morsomme historier gjennom heile møtet.

Leiar avslutta eit vellukka medlemsmøte ved å ønskje alle vel heim, samtidig som ho orienterte om årsmøtet som skal vere i februar.

Heilt til slutt sang vi «La oss leve for hverandre».

NVB

sekretær

Medlemsmøte 11.januar 2023

Jostein Kvithaug las fleire dikt frå diktsamlinga si.

IMG_5372

Onsdag 01.juni , kl 14:00, kunne leiar Ann Elise Dyrkorn i Stordal og Liabygda Pensjonistforening ønskje vel møtt til dei 64 medlemane som var møtt fram – gledeleg å sjå at så mange fann veien hit denne dagen. Ho ønska spesielt velkomen til Knut Sivert Vikenes og Jostein Kvithaug.

Før programmet starta,  sang  vi vår tradisjonelle velkomstsang – Sangen til bygda – godt fylgt av Knut Sivert som forsanger med gitar.

Ord for dagen vart halde av Inger Lianes Hove som las 2 dikt, «Gråver» av Jakob Sande og «Junikveld» av Hans Børli.  Johas Falck las deretter diktet «Høyrer du våren» av Martin Hjelme frå Valldal.

Knut Sivert underheldt med flott sang og gitarspill, samt nokre små fine og morsomme historier innimellom. Vi i salen sang med eller berre sat stille og lytta til dei fine sangane hans -  Bl.a. sang han «Wonderful to night», «Vi vandrer saman» og «Har du fyr» m.fl.

Jostein Kvithaug las mange fine dikt frå samlinga si, bl.a. «Det siste valget», «Helsevisa», «Laurdagsdansen», «Kvinnelisten»,  «Heimturen» m.fl..  Elles fortalte han mange gode historier – bl.a. frå ungdomstida si. Det var mange som kjente igjen slike hendingar/opplevelsar og vi fekk oss mang ein god latter.  Han avslutta med diktet «Siste lasset» - og fortalde også historia korleis dette diktet vart til.

Måltid med god kaffi, smørbrød og kringle vart servert denne gongen også. Og ikkje eit einaste møte i pensjonistforeninga utan åresal.  Åresalet skaper hygge og spenning, men viktigaste av alt er praten rundt borda både ved måltidet og elles.

Ann Elise informerte om dagsturen til Nordøyvegen som blir den 10.juni,  Bussen startar frå Valldal kl. 09.00. Vidare informerte ho om fleirdagersturen til Sogndal i august. Skal bu på Sogndal hotell , derifrå blir det fleire utflukter og opplevelser . Påmeldingsfrist 01. august. 

Frå Skodje Pensjonistlag har bl.a. Stordal og Liabygda Pensjonistforening fått invitasjon til Midtsommerfest i Nerskøyeløa på Skodje den 28.juni.   Her blir det norske og svenske songar av Stephanie Lippert, trekkspeltonar av Odd A Halaas, dans mm.   Dei medlemane som er interessert kan melde seg direkte til Skodje Pensjonistlag v/Paul Birger Tysnes.

Eit trivelig møte vart avslutta ca kl. 17:30 ved sang av Knut Sivert – «Vårsøg»

Ann Elise takka for frammøtet og ønskte alle ein fin og god sommar og vel møtt til neste medlemsmøtet i august. 

  

Norunn Vise Busengdal - referent

Det er onsdag 2.november og Stordal og Liabygda Pensjonistforening held sitt månadlege medlemsmøte på Grendasalen frå kl. 14.00 og utover.

Det var mange som har funne vegen hit denne dagen, i alt 70 stk. 

Leiar Ann Elise Dyrkorn opna møtet med å ønskje alle hjarteleg velkomne, spesielt ønskja ho foredragshaldar Oddgeir Bruaset og musikarane Frostad\`s velkomne.

Vi sang så vår tradisjonelle opningssang: “Stordalssangen” - fint akkompagnert av Frostad\`s på trekkspel og gitar.

Sidan vi hadde medlemsmøte sist, har tidlegare medlem Berit Vik gått bort. Vi tente lys og held eitt minutts stillheit til minne henne.

Ord for dagen vart halde av Steinar Lamo.   Deretter sang vi «Sangen til bygda» -

Og så var tida komen som alle nok hadde sett fram til – Oddgeir Bruaset sitt foredrag om gamle juletradisjonar.

Bruaset er no pensjonert journalist, og for dei fleste av oss svært godt kjent frå NRK-serien «Der ingen skulle tru at nokon kunne bu». Den populære fjernsynsserien som gjekk på NRK i heile 13 sesongar, er det mange som framleis hugsar. Bruaset har fått Gullruteprisen for serien, samt Kongens fortenestemedalje for arbeidet sitt som kulturformidlar. 

I dag skulle Oddgeir Bruaset fortelje frå ein av bøkene sine: « Jul der ingen skulle tru at nokon kunne bu» 

Vi fekk høyre sterke og spanande historier om juletradisjonar og om folket som budde på dei mest avsidesliggande stadane rundt om i Norge – høgt til fjells, ytst i havgapet og inst i tronge fjordarmar.

Han viste lysbilde og formidla desse historiene med ei slik innleving og overtyding, at ein mest opplevde å vere med på reisene hans.

Vi fekk høyre om fødslar, så vel som dødsfall midt i julestria, om ymse familiar - mange med store barneflokkar -, om menneska som skulle gjere julehandelen, gå i juleselskap til kvarandre eller oververe gudstenesta - Vegane var lange, og på denne årstida særleg farefulle, utrygg is både i fjellsidene og på sjø, rasfare og storm – men det stoppa dei ikkje.  Tradisjonane/skikkane var viktig uansett og skulle haldast .

Innandørs pynta dei slik vi egentleg gjer i dag, berre pynten er annleis. Juletrea vart pynta med stjerne, glitter, kuler og den krossmerka juletrefoten – alle desse har bibelsk symbol .

Litt annleis var det likevel. Vi pynter for å lage julestemning, medan dei i gamle dagar, f.eks strødde halm utover golvet – dette skulle minne om stallen. I vinduskarmen stod det levande lys som brann heile julenatta. Vetter tåler ikkje lys, trudde dei, og om julenatta var vonde vetter veldig på farta. Derfor tente dei lys som heldt styggedommen unna dørene.

Ein av dei gamle skikkane/tradisjonane dei hadde nokre plassar, var at når folk skulle heim til jul, ringte dei jula inn anten med kyrkjeklokker, dynamitt eller gevær, 

Ein sit att med den tanken at for å kunne greie seg på desse avsidesliggande gardane, måtte dei som budde der vere både psykisk sterke, sjølvhjelpte og ha evna til å løysa problema på eiga hand. 

Fleire gongar har Bruaset fått spørsmål om korleis det har gått med dei menneska som var med i serien « Der ingen skulle tru at nokon kunne bu». Som svar på dette har han no gjeve ut boka GJENSYN , der ein får eit hjarteleg gjensyn med nesten alle menneska som blei portretterte av han. Bruaset hadde med seg 4 forskjellige bøker for sal, noko fleire av dei frammøtte nytta høvet til å kjøpe.  

Oddgeir Bruaset avslutta med at Hadde vi teke bedre vare på fleire av dei gamla juleskikkane, ville vi kanskje kjent oss rikare enn det vi gjer no når vi stressar for å rekke alt i tide.  No ser vi kanskje på jula som ei kjøpejul, det flyt over av varer i butikkane og vi kjøper og kjøper……    Ord til ettertanke.

Med stor applaus takka ei lydhøyr forsamling Bruaset for det spanande og tankevekjande foredraget han har halde.

Kjøkkengjengen serverte også denne gongen gode smørbrød, kringle og kaffi som smakte veldig godt.  Praten gjekk livlig rundt borda, samstundes som det var åresal og utdeling av gevinstar.  

Til slutt orienterte leiar om julebordet som skal vere på Blåtind 07. desember.  Liste vart sendt rundt borda slik at interesserte fekk skrive seg på. Det vil elles bli sendt ut ei påminning til alle medlemane i slutten av november.

Leiar Ann Elise takka for frammøtet, ønskja alle vel heim og ei fin tid framover.

Til avslutning sang vi «La vi leve for kvarandre»

Medlemsmøte

Restaurant  Fru Inga 

Litt av den fantastiske utsikta frå Vestkapp fjellplatå

Stadlandet Vestkapp

Ervik kyrkjegard med sine særprega støypejernkrossar

Ervik kyrkjegard

Ein av dei fine englestatuene på kyrkjegarden

englestatue

Vestkapp 2

Stordal og Liabygda Pensjonistforening arrangerte dagstur torsdag den 29. september til Stadlandet – Vestkapp.  Lokalforeningane i Fjord kommune vart invitert til å bli med og kjekt var det at fleire frå Norddal/Eidsdal, Fjørå og Valldal meldte seg på turen.  I alt var 48 pensjonistar påmeldt.

Turen gjekk via Stranda, Hellesylt, Hornindal, Nordfjordeid, Åheim, Leikanger, Ervik, Vestkapp, Selje, Nordfjordeid, Stranda og heim.

På Hellesylt kom guid Rasmus Taraldset på bussen. Han fortalde  om stadane vi etterkvart passerte på turen mot Leikanger, som var første stopp. Nede ved sjøkanten låg restaurant/bakeri  «Fru Inga» idyllisk til. Her var det bestilt lunsj til oss. Vi vart ønskja hjarteleg velkomne av eit hyggeleg vertskap. Før lunsjen vart servert,  fekk vi fortalt historia om huset. Før dei kjøpte og pussa det opp (ferdigrestaurert i 2018), var dette  «jordmor-butikken» på Stadlandet som tidlegare jordmor Inga Leikanger dreiv etter at mannen hennar døde i 1978. På den tida var dette daglegvarebutikk,  der ein fekk kjøpt det aller meste. Seinare vart det meir fokus på sal av broderi, garn og tekstilar. I restauranten har dei noverande eigarane teke godt vare på mange av tinga som tilhøyrte den tidlegare eigaren,  bl.a. jordmorveska, gamal vekt med lodd, boksar og fat mm. Ingen tvil om at butikken har behalde historia si, og at den er til minne for Inga Leikanger. Ein koseleg restaurant med god atmosfære.

Maten vi fekk servert smakte kjempegodt – skikkeleg god husmannskost : Brennsnut med mykje kjøt, potet og grønsaker med nysteikt loff til. Deretter var det kaffi og saftig god gulrotkake – alt smakte fantastisk.   Fleire kommentarar høyrdes:  «Vi treng ikkje meir mat i dag…..» - orda tyder for seg….

Så gjekk turen vidare til Ervik. Her vart vi mottekne av guiden Geir Ove Ervik, som fortalde fengande om St.Svithun-forliset, samstundes som vi vart guida rundt både på kyrkjegarden og inne i Ervik kapell,  seinare kalla Ervik kirke (1997).

Kyrkjegarden har vore gravstad i Ervik sidan 1550 – ein unik og velstelt kyrkjegard  ut i havgapet.  Det som særprega kyrkjegarden er at den har ei stor samling støypejernkross og mange fine englestatuer. I 1906 vart kyrkjegarden inngjerda, og fekk då port laga av kvalbein

Ervik kirke vart bygd til minne om både bergingsinnsatsen og dei som omkom under St.Svithun-forliset .. Hurtigruteskipet vart bomba under 2. verdenskrig av allierte fly den 30. september 1943. Det var engelske jagarfly som skaut skipet i senk, fordi dei trudde det var tyske soldatar om bord. Men dei tyske soldatane hadde gått i land i Ålesund, og tok ein annan båt sørover. Dette båtbytet visse dei allierte ikkje om.  78 blei berga av lokalbefolkninga,  bl.a. ei lita jente på 6 veker,  medan 50 mista livet.  Bygdefolket gjorde ein formidabel innsats for å berge folket frå skipet. Det var uver og skipet stod i brann.   Inne i kyrkja er det fleire minner frå skipet, bl. a. heng minneplate med namna på dei 50 som omkom, modell av St. Svithun er innfelt i veggen mellom 2 salar, slik at den kan sjåast frå begge sider.   Skipsklokka frå St. Svithun heng i kyrkjetårnet saman med ei klokka frå 1844, og skipet sitt anker står utanfor kyrkja.  

Neste post på programmet var Vestkapp – Norges vestlegaste fjellplatå, 500 meter over havet. Veret vi hadde denne dagen, var heilt fantastisk ,  mildt, solgløtt og vindstille. og vi fekk panoramautsikt i  alle himmelretningar -  til  Stadhavet ,  Vestlandet og til  Sunnmørsalpane . Her rusla vi rundt, nytte utsikten og fotoapparata vart flittig brukt.

Turen gjekk så tilbake til  Leikanger, over Sandvikeidet til Selje. Flatraket,  Bryggja og Nordfjoreid   Her var det middag -  sosakjøt m/tilbehør, kaffi og eplekake m/is. Maten smakte retteleg godt, så nok ein gong var det ein gjeng mette og fornøgde pensjonistar som gjekk innatt i bussen for den siste etappen heim.

Stor takk til Geiranger Turbuss as v/sjåfør Tobben som losa oss trygt og svært behageleg gjennom heile turen. – Ein tur som har gjeve oss mange fine opplevelsar. Vi har opplevd dei store kontrastane – frå stille og blanke fjordar og vatn, fine haustfargar, høge fjell -  bl.a. ved Europas djupaste innsjø Hornindalsvatnet – kvite sandstrender og det «ville» Stadhavet ytterst ved Vestkapp.

Ein minnerik dag både med unike opplevelsar og sosialt samvær. Tusen takk. 

  

NVB

Sekr.

Stordal og Liabygda Pensjonistforening på  dagstur

Etter eit par månaders «sommarferie», vart medlemsmøte i Stordal og Liabygda Pensjonistforening halde i Grendasalen, onsdag den 07. september, kl. 14:00.

På denne varme og solfylte haustdagen møtte det fram ca 44 medlemmar.

Leiar Ann Elise Dyrkorn ønskte alle hjarteleg velkomne, spesielt underhaldarane Bernt Fylling og Knut Olav Skrove. 

Før programmet starta, sang vi våre tradisjonelle og fine opningssangar «Sangen til bygda» og «Sang til Liabygda» - med tonefølgje av Fylling på gitar og Skrove på trekkspel.

Vi tente lys og heldt 1 minutt stillheit for å minnes Einar Vidhammer og Kjell Tafjord som begge no har fått bort. Einar Vidhammer har vore trufast medlem i pensjonistforeninga og Kjell Tafjord har tidlegare gjennom mange år underheldt på medlemsmøta våre med trekkspelmusikk.

Ann Elise las ord for dagen – eit fint dikt med tittel «Tenk så inderlig godt….»

Ann Elise orienterte om fylgjande saker:

\-         Dagsturen til Vestkapp den 29. september.

\-         Fjordafesten i Valldal den 15. oktober

\-         Invitasjon til Eldredagen på Storfjord Kulturhus den 01. oktober.

Utfyllande opplysningar om dagsturen til Vestkapp var oppkopiert i fleire eksemplar og lagt ut på borda slik at medlemane fekk gjere seg kjent med programmet, samstundes som påmeldingslister til alle 3 ovannemnde arrangement vart sendt rundt for påmelding.

Nye Rodelister var også lagt ut på borda, slik at medlemane kunne ta med seg heim.

Bernt Fylling og Knut Olav Skrove underheldt oss med flott sang og musikk, - og publikum sang med der sangane og teksten var kjent. Innimellom fortalde Fylling mange morsomme historier og vitsar, så vi fekk oss mang ein god latter. 

Så var det tid for kaffi og mat. Kjøkkengjengen serverte nydelige smørbrød og kringle. Praten gjekk livlig rundt borda. Åresalet gjekk fort unna og gevinstar vart etterkvart delt ut til vinnarane.

Fylling og Skrove avslutta med eit par kvikke melodier på gitar og trekkspel, før dei takka for seg. Dei fekk applaus frå salen som takk for triveleg underhaldning.

Ann Elise takka for frammøtet og ønskte alle vel heim og ei fortsatt fin tid framover.

Medlemsmøte i Stordal og Liabygda Pensjonistforening.

Så var dagen vi har sett fram til komen – 44 personar var klare til dagsturen som turnemnda i Stordal og Liabygda Pensjonistforening hadde bestemt skal gå til Nordøyvegen. Storfjord Turbuss v/sjåfør Bjørn Ove Olsen kjørte oss trygt og behageleg gjennom heile turen. 

Bussen starta frå Valldal kl 09.00 , vidare til Skodje, Engsetdalen, Søvika og Skjeltene. Gunnar Standal frå Haramsøya var guide og hadde mykje interessant å fortelje  Som kjent skal Nordøyvegen binde saman dei fem Nordøyane - frå Lepsøya i sør til Harøya i nord, og til fastlandet. Første nye brua frå Skjeltene til Lepsøya – Lepsøybrua - er 50 m høg, 800 m lang og 41 m seilingshøgde– ei flott bru som vart opna i 2021. Så bar det det vidare gjennom den 3500 m lange undersjøiske tunnelen frå Hestøya til Austnes på Haramsøya – Haramsfjordtunnelen - Denne vart også opna i 2021. På Austnes fekk vi omvisning i den flotte Haram kyrkje som vart bygd i 1838. Her var fleire ting bevart frå den gamle stavkyrkja: altartavla frå 1670 i barokkstil, altarbordet og preikestolen i renessansestil, det broderte altarteppet og den nederlandske kyrkjeklokka frå 1484.    Spesielt beundra vi den flott utskorne altartavla med sitt rike biletprogram. På toppen står monogrammet til kong Christian 5, på eit skjold som vart halde av to løver, truleg henta frå det norske riksvåpenet..  Innvendige veggar og tak var rosemala i klare fine fargar. Ei flott kyrkje som var verdt besøket. 

Langs turen mot Longva fekk vi bl.a. sjå og fortalt om desse mykje omsnakka turbinane oppe på Haramsøyfjellet. Pga lite vind denne dagen var det nesten ikkje bevegelse i dei.  

På Gunnabuda vart vi ønska velkomne. Her fekk vi servert kaffi , nydeleg marsipankake og Kvæfjordkake (eller Verdensbeste som den også kalles)    Før vi sette oss i bussen igjen, nytte vi det fine området , rusla litt rundt, tok bilder, gjekk ned til sjøkanten, nokre fann fine fjøresteinar også, .. Spesielt den nybygde badstua var det mange som beundra. Trur nok mange kunne tenkje seg å prøve den – men den var nok låst………

Så gjekk turen vidare til Skuløya/Flemsøya, og tilbake til Haramsøya. Underveis fortalde Gunnar Standal bl.a. om «Grettes saga» – ei handling som foregjekk i ca. År 800 – 1050. Han viste oss Arnfinngarden der det i 1968 vart funne ca 1 kg gull (smykker) – såkalla Haramsskatten. Det skulle nedsetjast ein septiktank på garden der, då dei kom over dette funnet- det rikaste gullfunnet sidan jernalderen. Turen gjekk vidare til Brattvåg der vi fekk servert god kjøttkakemiddag - Mette og fornøgde vart vi nok ein gong. Frå Brattvåg kjørte vi om Vestrefjorden, Rekdal, Fiksdal og Tomrefjorden.

No var vi på heimveg – trudde vi. …. Men til vår store overraskelse svinga bussen av hovudvegen i Tomrefjorden og stoppa ved eit bustadhus som for dei aller fleste av oss var ukjent.  Her stod fam Sivert Petter Dyrkorn (utflytta Dyrkornbygdar) og tok imot oss. Her var stoler og bord utplassert i hagen, is og brus i flotte stettaglass vart servert, sola titta fram, praten gjekk og vi kosa oss. Sivert Petter fortalte litt om deira allsidige arbeid, bl.a er han leiar for eit stort rekneskapsfirma, dei driv begravelsesbyrå, blomster- og garnbutikk mm . Tusen takk til fam Dyrkorn for deira store gjestfriheit.    Det var ein overraskelse og veldig fin avslutning på turen.

Vi kom til Stordal ca kl. 20.00 - Alle gav uttrykk for at turen var vellukka, god guiding av Standal, god og behageleg busstur og veret var upåklageleg, Å få oppleve dette opne landskapet, øyer, fjorden og havet som låg der så blank og fin, er nok til stor glede for oss som kjem frå indre strøk og er vant med litt høgare fjell rundt oss, sjølv om høge fjelltoppar også har sin sjarm.

Leiar i pensjonistforeninga, Ann Elise Dyrkorn, takka for turen og ønska alle ein god sommar                  

NVB sekretær

Dagstur til Nordøyane

IMG_5009 (1)

Medlemsmøte  i Stordal og Liabygda pensjonistforening vart halde på Grendasalen, onsdag 04. mai, kl. 14:00.

Det er gledeleg å sjå at så mange møtte opp denne gongen også, 65 medlemar var til stades.   

Leiar Ann Elise Dyrkorn ønskja alle hjarteleg velkomne, og spesielt er det gledeleg at Jostein og Lars Arne Frostad, samt Jostein Maude også denne gongen er tilstades og gleda oss med flott musikk og sang (- Applaus). Vidare ønskja ho også Odd Kvammen hjarteleg velkomen.

Vi sang våre tradisjonelle og fine opningssangar «Sangen til bygda» og «Sang til Liabygda»

Sidan siste medlemsmøte har 2 medlemar gått bort, Kåre Hove og Bodil Holmen. Vi tente lys og held 1 minutt stillhet for å minnes desse to.

Ord for dagen vart framført av Steinar Lamo. Han las dikt av Marie Takvam: «Nissen gjeng gjennom skogen» og «Ved grava til ein Vestlands-småbonde»

Ann Elise orienterte litt om dagsturen til Nordøyane den 10. juni. 46 personar har meldt seg på turen pr idag. Det er fortsatt plass til fleire, så påmeldingsliste vart sendt rundt slik at fleire kan melde seg på om ønskjeleg.   

Ho gav også ei kort orientering om pensjonistturen til Sogn 15.-18.august. Meir info vil bli gjeve på medlemsmøte 01. juni.

Kveldens kulturelle innslag stod Odd Kvammen for. Han framførte fleire dikt frå diktsamlinga «Lyng i steinurd» av småbrukar og diktar Ivar Ringdal frå Hellesylt.  Vi fekk høyre fleire fine og personlege dikt frå samlinga, bl.a. «Fjellvandring», «Nattfiske», «Klag ikkje», «Agronomar»,  «Attanfor alt» m.fl     

Så var det tid for mat og kaffi, Kjøkkengjengen serverte flotte smørbrød og kringle, og dei frammøtte kosa seg med god mat og prat.  Leiar Ann Elise beklaga at ho måtte bryte av den gode praten og stemninga, for no var det tid for åresal og loddtrekning. Glade vinnarar fekk med seg gevinstar heim.   

Under møtet framførte Frostad\`s og Maude fleire kjente melodier/sangar og forsamlinga sang lystig med. Dei fekk som fortjent god applaus.

Ann Elise kunne også opplyse at det i dag har meldt seg 5 nye medlemar til pensjonistforeninga vår – veldig gledeleg.

Ho takka til slutt for frammøtet. Ønskja alle vel heim, bad oss ta godt vare på kvarandre og ha ei fin tid framover.   

Medlemsmøtet vart avslutta med sangen «La oss leve for kvarandre».

  

Norunn Viset Busengdal

sekretær

Medlemsmøte 04. mai

Hva arbeider vi med?

Medlemsfordeler

Organisasjonskart administrasjonen

Ansatte og tillitsvalgte

Medlemsservice 22 34 87 70

Økonomitelefonen 22 42 73 00

Bekymringstelefonen 94 85 60 04

Smarttelefonen 22 600 700

Telefontjenester

Arrangementer

Logoer og maler

Plusspodden

Webinarer

Filmer

Pressekonferanser

Live-sendinger

Sangboka

Treningsvideoer

Mediebasen

Magasinet Pensjonisten

Ledige stillinger

Om Pensjonistforbundet

Håndbok for tillitsvalgte i lokalforeningene

Nettskjema for årsmøterapport

Skjemaer og hjelpedokumenter for lokalforeninger

Organisasjonskurs

Bruksanvisninger for nettsidene

For tillitsvalgte

Nettbutikk

Finn din lokalforening

Kontakt oss

Din medlemsside

Er du ikke medlem?

Norunn Viset Busengdal