Lesjaskog Pensjonistlag

Pensjonistforbundet Oppland

Pensjonistforbundet

Kjekt møte, som eigentleg skulle vore aprilmøtet, men den faste dagen kolliderte med påska.

På programmet stod - utanom dei faste møtepostane - underhaldande besøk for ei songgruppe frå Åndalsnes, som med eigen pianist og felespelar både song eigen songar og drog laget med i sprudlande allsong frå den nye songboka.

Deretter samlast vi som vanleg til middag, orientering om aktuelle saker frå fylkeslaget og forbundet. Song-delen tok såpass tid at vi måtte avlyse kvissen, men åresalet måtte sjølvsagt gjennomførast på normal måte med mange gevinstar.

20230328_131453

Leiar Tirunn takka gruppa for inspirerande og underhaldande tilbod.

20230328_140333

Referat frå medlemsmøte 28. mars

Se alle medlemsfordeler

Les Pensjonisten digitalt

Bli medlem

Medlemsfordeler

Om Pensjonistforbundet 

Finn lokalforening

For tillitsvalgte

På Bjorli har det i 25 år vore årleg haustmarknad (bortsett frå under pandemien) med stor interesse. I år var marknaden 2. og 3. september, og Lesjaskog pensjonistlag stilte med eigen stand. På førehand hadde vi bestilt materiell frå forbundet, som vi delte ut til intereserte.

Mange stakk inn Aadel Skotte, som delte ut profileringsmateriell på Bjorlimarknaden.

373371775_3526107837662665_2696634715029734724_n

Lesjaskog pensjonistlag på Bjorlimarknaden

Lesjaskog pensjonistlag starta haustsesongen med eit svært populært tilbod: besøk på Uppi-stugu Hågå-setra på Sørhella, som er ei svært gamal setergrend på Dalsida i Lesja. Her var styremedlem Anne Marie budeie i yngre år, og no inviterte ho heile laget til servering og historieforteljing. Turen vart organisert med privatbil-samkøyring, og vi var også svært heldige med veret, delvis sol og god temperatur gjorde det kjekt å rusle rundt på det velstelte setertunet.

Vi var i alt 30 av medlemene som hadde høve til å delta, og styret gjorde altså ein stor innsats, under leiing av Anne Marie, med matlaging, servering og opprydding.

Anne Marie stod for vaffelsteikinga, med god hjelp.

20230905_122424

Gjestene i opphaldsrommet i det gamle selet.

20230905_122431

20230905_122843

Samlinga starta med servering av deilige rømmevaflar og kaffe. Vi fordelte oss på tre av opphaldsromma; to i det gamle selet og ei i det dei kalla 'Nystugu'. Det var og program, og da måtte vi prøve å samlast i eitt rom. Det gjekk bra når vi trykte oss saman med stolar og benker.

20230905_131626

Viktigaste innslaget i programmet var ved Anne Marie sjølv. Ho fortalde levande og engasjert frå da ho kom som gardkjerring til Uppistugu Hågå midt på 1960-talet og vart med i den tradisjonelle seterdrifta som enno gjekk føre seg. Ho lærte av ei som hadde drive der i tiårsvis, og hadde stor glede av det. I mange år hadde ho så ansvaret sjølv, og lærte opp andre unge jenter som ville få eit innblikk i desse utgamle tradisjonane før dei forsvann.

Så gjekk det attende med den tradisjonelle drifta, men Anne Marie syntes det var for gale. Ho vidareutvikla derfor seterdrifta i småskalavariasjon med vidareproduksjon av råvarene, mjølka, som ho separerte til smør og ost på staden. Det kunne ho selje og servere til turistar og andre.

Og så vart det mat att, kjøtsuppe med loff, der vi kunne forsynes rikeleg og likevel vart mykje att. Men kakene og kaffen hadde vi likevel plass til!

Så hadde vi berre heimturen att, etter ei framifrå lagssamling. Kanskje kan denne turen takast opp att til neste år?

Lagstur til Sørhella

Turen gjekk frå Bjorli via Dombås for opplukking av påmeldte. Første stopp var Furuhaugli på Dovrefjell, der vi fekk kaffe og kanelsnurrar. Så køyrde vi vidare til Auna (Oppdal sentrum) der nokre av oss gjekk tur utanom, og andre inni, butikkane.

Etter ein times pause gjekk turen vidare etter R70 Sunndalsvegen forbi Vognillan til Lønset. Der tok vi vegen opp igjennom Storlidalen til [Bortistu](https://www.facebook.com/Bortistu-142065782532224/?__cft__[0]=AZWMELy_tFTYwEuGhaxPTRjoR4bD5prlkbFXejtWLha0ylOdzoNKKDVbGxQ3M3f8CL9P7tc92wjzY3S6sm51KGbNNoeFkklEgzKkp7nTyqy7onOFSxgn7xidd03aDzPW1EHpmr8eRXJF-oIfTkE3XW5o&__tn__=kK-R), Storlia. Der fekk vi servert spesialiteten på staden, 'basstulam', lammelår som hadde vore røykt i badstugu ('basstu' = badstugu); nydeleg!

Så gjekk turen heimatt med eplekake, is og kaffe på Dovregubben før vi var heime at nærare i nitida.

Nesten berre finver fekk vi, og takk til Lesjaskog pensjonistlag som planla og gjennomførte turen. Er du i alderen, meld deg gjerne inn i [#Norgespensjonistforbund](https://www.facebook.com/hashtag/norgespensjonistforbund?__eep__=6&__cft__[0]=AZWMELy_tFTYwEuGhaxPTRjoR4bD5prlkbFXejtWLha0ylOdzoNKKDVbGxQ3M3f8CL9P7tc92wjzY3S6sm51KGbNNoeFkklEgzKkp7nTyqy7onOFSxgn7xidd03aDzPW1EHpmr8eRXJF-oIfTkE3XW5o&__tn__=*NK-R) og bli med på slike flotte tilbod.

Frå tunet på Bortistu Storlia med flott utsyn vestover mot fjella rundt Innerdalen.

20230822_144556

I Bortistu fekk vi høyre forteljinga om spesialiteten, "basstulam".

20230822_145947

20230822_151138

Gruppebilde på tunet i Bortistu før heimreisestart.

20230822_164443

Hos Dovregubben fekk vi eplekake, is og kaffe.

20230822_183118

20230822_190231

Dagstur frå Lesja

Det er berre tre parti som stiller til valg i Lesja, det er Arbeiderpartiet , Senterpartiet og Høgre. Til tross for at valgkampen ikkje er i gang enda, takka alle tre ja til invitasjonen til møtet 6. juni på Bjorliheimen.

Kvar av dei fekk 10 minutt til innleiing, og etterpå fekk dei frammøtte stille spørsmål om eldrepolitikken og tankane deira rundt den dei neste fire åra.

Møtet samla 60 interesserte, og det var styret i pensjonistlaget svært godt fornøgd med. Sidan eit slikt møte aldri hadde vore prøvd før, hadde vi høge skuldre før møtet. Men etter kvart som stolane i møtesalen vart fullsett, forstod vi at vi hadde satsa rett. Både medlemar og ikkje medlemar fylte salen.

Eldrepolitikk er nok ikkje det som står først på lista på kommunale møte. Etter at politikarane måtte førebu seg til dette møtet, vil vi tru dei oppdaga at seniorane er ein ressurs som samfunnet kan og bør, dra nytte av.

Eldrerådet er eit organ som kommunen og pensjonistlag kan samarbeide i. Dette samarbeidet er ikkje det beste i alle kommunar. På møtet fekk politikarane innspel frå salen om at det ikkje var heilt bra i Lesja heller, noko dei lova å rette på.

Vi fekk ein fin dialog med politikarane, det trur vi er svært nyttig for dei når dei skal starte i politikken til høsten.

Kandidatane: Ellen Sørumgård Syse frå Sp, Audun Holsbrekken frå Høgre og Marita Lindbom Skotte frå Ap  (foto: Aud Einbu)

Din medlemsside

Er du ikke medlem?

Referat frå medlemsmøte 28. mars

Relaterte artikler

Andre nyheter