Gjestar på møteplassen 15. november 23. Glenn Vilnes og May Britt Vagstad Eimhjellen.
Publisert 15. nov. 2023, kl. 21:34
Sist redigert 15. nov. 2023, kl. 21:34
Askvoll Pensjonistlag vil minne om Møteplassen i Sentrumsgarden i Askvoll. Møteplassen er open i vinterhalvåret 2 dagar for veka: Måndag og onsdag kl. 10- 12. Siste opningsdag før jul er 20. desember. Vertstenesta er eit samarbeid mellom Askvoll Pensjonistlag og Askvoll Røde Kors.
Alle er velkomne til møteplassen. Programmet er vanlegvis sosialt samvær med kaffi og noko å bite i. Enkelte dagar har vi tema for dagen. I dag hadde vi møte med Glenn Vilnes og May Britt Vagstad Eimhjellen. Ergoterapeut Vilnes fortalde om arbeidet sitt i Askvoll kommune. Saman med Eimhjellen er han også syns- og hørselskontakt i kommunen. Dei orienterte om sitt arbeid i Askvoll. Spesielt tema i dag var hjelp i samband med syn og hørsel.
I dag møtte 14 pensjonistar til møtet.
