No er programmet for Sommartreffet 2018 klart og vi har den glede av å medele at vår gjesteartist i år er stand up – komiker Baste Bolstad frå Voss. Så då får vi trimme lattermusklane våre nesten ein heil time. Så no er det berre å sette i gang med å reklamere for vårt Sommartreff og starte med påmelding.

For å bli litt meir kjent med kva Baste Bolstad driv med har eg klypt inn eit utsnitt av det som det blir lagt vekt på hjå hans bookingagent: (sjølvsagt på bokmål) «Stand-up komikeren Baste Bolstad er en av de absolutte veteranene på den norske humorscenen. Komikeren, som er oppvokst i den lille bygda Bolstadøyri i Voss, ser både bygda og storbyen med et annet blikk enn folk flest gjør. Dette er opphav til mye moro og overraskende komikk.

I år skal Sommartreffet 2018 bli arrangert på Operahuset Nordfjord tysdag den 26.juni kl. 11.00-17.00. Det blir som vanleg servert middag og kaker og kaffe og to deler med lett sommarunderhaldning. Middagen blir servert kl. 11.30 og då lyt alle vere komne. Middagen består av heilstekt marinert svinenakke, servert med rotgrønsaker, saus og tyttebærsylte. Kaffi og kake blir servert i pausen. Håpar dette kan friste. Vi har fått tak i «Vilde og Anna» som er kjent frå MGP jr. og dei vil komme å synge «Vestlandet» for oss + nokre fleire songar dei har på sitt reportoar.

Vi får også Professor Jørgen Amdam, ordførar i Volda, som skal halde dagens kåseri. Han er ein velkjend foredragshaldar og kåsør, med store kunnskapar, også om vårt fylke. Han kjenner våre tilhøve til naboar i sør og nord, våre sterke og svake sider. Jørgen Amdam har ordet i si makt, og ein sterk humoristisk sans.

Billettprisen er kr. 400,- pr. pers. og påmelding skjer via dykkar lokallag. Kvart lokallag er økonomisk ansvarleg for  antal billettar dei har bestilt. Vi har plass til 536 personar, så det er berre å bli med. Dersom du veit det er nokre i dykkar reisefylje som ikkje kan å gå trapper, må de gje beskjed til kontoret ved reservering av billettar.

Frist for bestilling av billettar er snarast eller seinast den 11.mai. Vi praktiserer «Først til mølla prinsippet.

Billettane/programmet blir sendt ut til lokallagsleiar el. evt. den som står for bestillinga når fristen er ute. Faktura blir vedlagt billettane for felles betaling med frist så fort som mogeleg etter den 26.06.