Ørskog Pensjonistforening

Pensjonistforbundet Møre og Romsdal

Pensjonistforbundet

Torsdag 1. februar blir det medlemsmøte på Ørskog kulturhus med middag og festkake og årsmøte med val.

Karin Vestre opnar med "Ord for dagen" . Vi får besøk av Ole Stokke, vår fadder/kontaktperson i fylkesstyret, som orienterer om Pensjonistforbundet. Vi er også så heldige å få et nytt møte med Espen Hellandsvik som underheld med song og gitar. Etter middag med lapskaus og marsipanbløtkake tek vi fatt på årsmøtet. Hjarteleg velkomen til denne kvelden.

**Innkalling til ÅRSMØTE I ØRSKOG PENSJONISTFORENING**

**Ørskog kulturhus, 1. februar 2024 kl. 19**

**DAGSORDEN - SAKLISTE**

**Velkomst** v/leiar Grethe Leikny Gjerde

Minnast medlemar som er gått bort

**Godkjenne innkalling** v/leiar på vegne av styret

**Godkjenne saklista** v/leiar på vegne av styret

**Val av møteleiar (ordstyrar)** v/leiar

**Val av skrivar**

**Val av to protokollvitne**

**Behandle og godkjenne årsmelding** vedlagt

**Behandle og godkjenne revidert rekneskap** vedlagt

**Behandle innkomne saker frå styret:**

Styret har forslag om namneendring til **Ørskog Pensjonistlag**

**Behandle innkomne saker frå medlemane**

Innkomne forslag må vere styret i hende innan 22.01. til leiar Grethe Leikny Gjerde

**Vedta forslag til aktivitetsplan for komande år** vedlagt plan

**Vedta budsjett** vedlagt

**Val:**

**Etter valet på årsmøte 2.02.2023** så styret slik ut:

Grethe Leikny Gjerde, leiar, på val i 2024

Hildebjørg Valbø, nestleiar, på val i 2024

Brit Skjelten, sekretær, på val i 2025

Randi Vestre, kasserar, på val i 2025

Ola Brautehaug, styremedlem på val i 2024

Reidar Braute, 1. vara, på val i 2024

Sigmund Stene, 2. vara, på val i 2024

Revisorar: Ragnar Bakken og Helga Rødset

Valnemd: Pål Viset, Jorunn Langleite, Annlaug Jørgenvåg

**Valnemnda legg fram sitt forslag**

**Val av to utsendingar til fylkesårsmøtet** i Molde 10.-11. mars

Medlemsmøte med årsmøte 1.februar

Se alle medlemsfordeler

Les Pensjonisten digitalt

Bli medlem

Medlemsfordeler

Om Pensjonistforbundet 

Finn lokalforening

For tillitsvalgte

Torsdag 1. februar arrangerte Ørskog pensjonistforening medlemsmøte med tema og påfølgjande årsmøte. Leiar Grethe Leikny Gjerde ønsket alle hjarteleg velkomen til ein innholdsrik kveld.

Vi samla oss om eit minutts stillheit der vi mintes ein av medlemane som hadde gått bort. Dernest opna Karin Vestre med "Ord for dagen" om å dele tankar, i vidaste forstand. Espen Hellandsvik var invitert til å underhalde med song og musikk. Han song fine songar og tekstar med eige gitarakkompagnement.

Tema for denne kvelden var informasjon om Pensjonistforbundets arbeid. Ole Stokke, opprinneleg frå Ørskog, vart ønska velkomen til medlemsmøtet vårt. Han er styremedlem i Pensjonistforbundet Møre og Romsdal og fadder for 10 av dei 54 lokale foreningene, mellom anna for Ørskog. 

Han orienterte om arbeidsoppgåvene i fylkesstyret og sentralt. Det er i underkant av 8000 medlemar i Pensjonistforbundet M&R. Styreleiar er Anne Lise Hessen Følsvik. Fylkesstyret arrangerer haustkonferansar rundt om i fylket, og dei arrangerer årsmøte, med representantar frå lokallaga, over 2 dagar, med ein temadag. Ikkje minst har fylkesstyret møter med fylkes- og stortingspolitikarar der dei held fram viktige politiske saker som gjeld pensjonistane, som økonomi og helsetilbod. 

Ole Stokke fekk stor takk for mykje god informasjon om visjonar og arbeid i Pensjonistforbundet regionalt og sentralt.

Espen Hellandsvik fann fram att gitaren og spela fleire fine songar før det var dags for middag. Det var på tide, for det dufta så godt frå grytene på kjøkkenet. På menyen sto heimelaga lapskaus med tyttebærsylte og flatbrød. Sidan vart det ein imponerande stor marsipankake som smakte meir enn godt til kaffien.

Ola Rotnes tok hand om allsongen, som er fast innslag på møta. Han hadde leita fram songar som vekka gamle gode minner i forsamlinga og akkompagnerte på det gjeve flygelet.

Fast innslag er og åresalet med utlodning som avslutning på kvelden.

Så var det tid for årsmøtet. Grethe Leikny losa oss gjennom sakene med fart og humør.

Årsmelding og rekneskap vart godkjent, og revisor Ragnar Bakken hadde godord å si om økonomistyringa.

Styret hadde lagt fram forslag til endring av namnet Ørskog pensjonistforening til Ørskog Pensjonistlag. Etter skriftleg votering vart det vedtatt med stort fleirtal å endre namnet til Ørskog Pensjonistlag.

Valkomiteen leia av Pål Viset hadde framlegg til nytt styre klart som ser slik ut etter konstitueringsmøtet:

Nytt styre 2024: Evy Vatne Joranger, leiar Ola Brautehaug, nestleiar Randi Vestre, kasserar Brit Skjelten, sekretær Norvald Sjøholt, styremedlem Jostein Tomren, vara Astrid Hildre, vara

Det vart også valt: 2 revisorar for 1 år: Ragnar Bakken og Helga Rødset (attvalt) 2 personar til valnemnd for 1 år: Grethe Leikny Gjerde og Sigmund Stene

Med dette var vi kommet til endes på en triveleg kveld, og vi starter morgondagen med nytt namn: Ørskog Pensjonistlag med stor P.

Middag mer

Styret og bløtkaken

Seniormøte med årsmøte 1.02.2024

  

 Første torsdag i januar var det møte i Ørskog pensjonistforening der vi fekk møte Thale Hatlen, med røtter i Ørskog. Ho arbeider til dagleg i psykiatrien. Ho liker å sette ord på følelser om livet på godt og vondt og med sine fine poetiske tekster blei ho akkompagnert av hobbymusikar og visesongar, Olav Elling Gausdal.

Thale mimra litt frå sine dagar som Ørskogbygdar fram til ho fylte 15 år, der ho snakka kav Ørskogbygdar. Etter det framførte ho sine poetiske tekstar saman med Olav Elling Gausdal på gitar.

Det var god mat i pausen.

Olav Elling Gausdal presenterte også nokre låter frå sitt eige repertoar. Eit vellykka møte der folk tydeleg kosa seg.

Thale Hatlen

Matøkt

Thale Hatlen med poetiske tekster til Ørskog pensjonistforening 

BBG Sax-Trio i aksjon. Flott musikk vi  liker å høyre på.

BBG Sax-TrioA

  

Vi kom til fint dekka festbord og leiar Grethe Leikny Gjerde opna med å ønske alle hjarteleg velkomne. Seniorkoret, leia av Ola Rotnes, vartet opp med variert program. Åse Reite las tekst frå hyrdemarken og Jesu fødsel, og koret fulgte opp med «Sjå tusen julelys», alt i nynorsk språkdrakt må vite. Allsong vart det også, først med stemningsfulle «Nordnorsk Julesalme» akkompagnert av koret.

Maten var upåklageleg med alt ein kan ønskje seg av ein sunnmørsk julemiddag. Tre dyktige damer (Ingebjørg Vestre, Else Karin Lied og Reidun Davik) hadde takka ja til å hjelpe til med kjøkkenteneste og matservering, så alt gjekk saumlaust for seg frå først til sist.

Reidun Klock Tjervåg held kåseri om julehandel på Sjøholt i 50-åra. Det var mange butikkar og handtverkstadar langs med hovudgata gjennom tettstaden. Det var mangt ein kunne ønskje seg frå freistande utstillingsvindu, men akk så uoppnåeleg for mang ein lita jente og gut på den tida. Det var heller ikkje lett å få bada seg til jul. Det var fram med stampen for ein liten kropp, men elles var eit badekar temmeleg uoppnåeleg for dei fleste. Kan hende var det fleire som kjende seg att i forteljinga frå denne tida.

Det vart tid for kaffi og gode saker før gutta i Bbg sax-trio spela opp med fin og variert musikk og mange svinga seg etterkvart på dansegolvet. Ein kjekk kveld var det, så det er berre å gle seg til neste jul.

Seniorkoret

Reidun Klock Tjervåg fortel frå julehandel på Sjøholt i begynnelsen av 50-åra.

Reidun Klock Tj

Grethe Leikny orienterer om kveldens program

Grethe Leikny orienterer

Seniorkoret er klar til å underhalde med song og allsong

Julemiddagen er servert

Kaker og godsaker på menyen

Kjøkkengjengen

Julebord Ørskog pensjonistforening

20231102_180252 (1) (1)

Etter velvalte velkomstord frå Grethe Leikny, las Hildebjørg Valbø diktet "Ho mor", om bautaen i heimen som alltid var der for andre og alltid visste kva som skulle gjerast.

Bjørnar Midtbust frå Stordal, lærar og rektor, men også kjent som gledesspreiar og kulturformidlar, var invitert til seniormøtet. Vi fekk oppleve ei real vitamininnsprøyting av ein billedkavalkade over naturopplevingar og turar i lokalmiljøet. Han var fascinert av det stadig skiftande ljoset som endrar fargen på himmelen og omgjevnadene illustrert med bilder så det var ein fryd å sjå. 

Vakre blomar i heile fargeskalaen delikat framvist med nydeleg musikk frå Intermezzo/ Cavalleria Rusticana var eit høgdepunkt. Vi fekk og sjå våre ville dyr på nært, skog, fjell, utsikt til å miste pusten av, himmel og hav i alle årstider. 

Digresjonar førte til framføring av songar (sjølvskrevne), ode til Mosetra illustrert med stemingsfulle bilder, stev om potetballens velsigningar og baksider framført med fynd og klem, og ikkje minst hans eigen utgåve av “Har du fyr” alt med humor og glimt i auge.

Etter denne oppvisningen av kjærleik til sine næraste og kjærleik til naturen som vi seint vil gløyme var det mat å få, kaffi, lekre smørbrød og bløte kaker. Praten gjekk lysteleg og smektande allsonger leia og akkompagnert av Ola Rotnes på flygel krydra kvelden inntil det var tid å venda heim. 

  

Brit Skjelten

Din medlemsside

Er du ikke medlem?

Medlemsmøte med årsmøte 1.februar

Andre nyheter