Stordal og Liabygda Pensjonistforening

Pensjonistforbundet Møre og Romsdal

Pensjonistforbundet

Stordal og Liabygda pensjonistforening har i tida frå oktober 2021 til februar 2022 gjeve tilbod om bowling for alle eldre i vårt område. Vi har hatt avtale med Kulå Bowling v/Kalla Teresa Socka i Valldal. Der har vi hatt avtale om grupper på 10 peronar om gongen, bowling og servering - pizza med drikke, kaffi og kake.

Og vi har hatt avtale med "Best" i Stordal, der Frank Olsen har stått for transport til og frå.

I perioden har vi transportert omlag 60 besøk til bowlinga.

Tilbakemeldingane frå deltakarane har vore udelt positive, muntre og glade

BOWLINGRAPPORT

Hva arbeider vi med?

Organisasjonskart administrasjonen

Ansatte og tillitsvalgte

Om Pensjonistforbundet

Bli medlem

Medlemsfordeler

Finn lokalforening

For tillitsvalgte

IMG_0765 (1)

IMG_0783 (1)

IMG_0935 (1)

  

**FJORDAFESTEN** vert kvart år arrangert i samband med FN´s Internasjonale Eldredag 01. oktober.

Dette arrangementet vert årleg arrangert av dei 3 lokale pensjonistlaga i Fjord kommune, og i år var det vårt lag – Stordal og Liabygda pensjonistlag – som hadde ansvaret for arrangementet.

Den 14. oktober var Stordalshallen klargjort til festen.

Sjølv om det var skikkeleg ruskever denne dagen med mykje regn og vind , møtte ein «varmen» når ein kom til Stordalshallen – ein festsal som var flott pynta med fine haustfarger og lys på borda.

Etterkvart vart salen fylt med festglade gjester – 137 personar fann sin plass ved borda. Her møttes folk frå heile Fjord kommune og praten gjekk frå første stund – tydeleg at det er kjekt å treffast.

Leiar Ann Elise Dyrkorn opna festen med å ynskje alle hjarteleg velkomne, spesielt til dei innbedne gjestane – Leiar i Møre og Romsdal pensjonistforbund Anne Lise Hessen Følsvik og Fjord kommune sin repr. Olav Løvoll.  Vidare retta ho ei stor takk til næringslivet som har støtta laget anten økonomisk eller ved å gi gevinstar:

**Blåtind Boutique Hotel, Hofseth International, Helland Møbler, Bonett, Maschine- Control AS, Gjensidige Indre Sunnmøre, Sparebanken Møre, Anita Systue, Moe Entreprenør AS, Busengdal AS, Peder Øie AS, Joker Stordal, Sparkjøp Digerneset, Geiranger Turbuss.**

Også takk til Fjord kommune for lån av Stordalshallen og kopiering av sanghefter.

Kommunepolitikar og leiar i Fjord eldreråd – Olav Løvoll – takka for invitasjonen og den store innsatsen Stordal og Liabygda pensjonistlag har gjort i samband med arrangementet. Han overrakte blomster som takk frå kommunen.

Etter at vi hadde sunge vår tradisjonelle opningssang «Sangen til bygda» - var det Anne Lise Hessen Følsvik som ønskte å seie nokre ord. Ho opna med å takke for invitasjonen og gratulerte med dagen - FN\` s Internasjonale eldredag.  -Denne dagen blei første gong markert offisielt i 1990 og sidan den gong har dagen vore markert kvart år verda over.

Viktige tema ho tok fram var- :

\-         Viktig å rette oppmerksomheit mot eldre menneske sine behov når det gjeld helse og god livskvalitet. Befolkninga vert eldre – i 2050 vil 1 av 6 vere i alderen 65+

\-         FN\`s motto i 2023 er brudd på menneskerettigheitene – noko som gjeld for alle – også eldre som mottek omsorg. Dei alvorlegaste brudda i Norge skjer overfor dei sjukaste og svakaste. Ho uttrykte skuffelse over tilstrekkeleg politisk vilje til å gjere noko med desse forholda.

\-         Ein treng fleire sjukeheims- og heildøgnsplassar,

\-         Ein treng fleire og betre kvalifiserte tilsette i eldreomsorga, samt betre arbeidsvilkår for dei tilsette.

\-         Digital inkludering hos eldre. Mange er frårøva moglegheita til å utføre tjenester dei før har klart fint sjølve, men som manglande datakunnskap no sèt ein stoppar for. Pensjonistforbundet har i mange år jobba hardt for å få fram brukarperspektivet i alt som dreier seg om e-helse, velferdsteknologi og digital kommunikasjon.

\-         Sjølv om pensjonistforbundet er ein nøytral organisasjon, oppfordra ho flest mogleg til å engasjere seg - bl. a. i dei kommunale eldreråda og andre stader der det går an å vere med å påverke.

Ho avslutta med eit fint dikt av Marie Lovise Widnes - «Livsglede»

Så var scena klar for musikalsk underhaldning.

Jenny Marita Sørås spelte piano og framførte 2 sangar med ei fantastisk innleving og stemme. Sangen «Nature boy - Aurora» har ho sjølv skrive teksten til.  Deretter sang ho «Floden» av Bjørn Eidsvåg.

Så entra Virusha Nagulesweran scena med sin fargerike og glitrande klednad. Ho fortalde at dansen ho skulle framføre heiter «Thilana» Dette er ein dans som stammer frå den klassisk indiske danseforma Bharatanatyam. Den er kjent for sine vanskelege rytmer, raske føtter og innfløkte bevegelsar.  Ein vart fascinert over å sjå korleis ho viste fram dei ulike rytmiske mønstera og det utfordrande fotarbeidet medan ho uttrykte musikken gjennom bevegelsane sine.

Stor applaus frå salen både til Jenny Marita og Virusha.

Orkesteret som laget hadde fått til underhaldning , var frå Stordal. På ein humoristisk måte presenterte dei seg for «PUF , Pensjonistforbundets Ungdomsfylking»   Det er no ein gong slik at vi i vår alder ikkje kjenner ungdomane så godt, men likevel er interessert i å høyre kvar dei kjem ifrå. Så her måtte dei fortelje namnet sitt og kven foreldra deira er – ein kjekk og morsom presentasjon.   Takk til «Pensjonistforbundets Ungdomsfylking» som underheldt oss med livlig sang og musikk.

Så var det tid for middag . Nydeleg kortreist biffgryte med tilbehør frå Nilsgardstunet vart servert av ein dyktig kjøkkengjeng. Medan bløtkake og kaffi vart fortært, fekk dei frammøtte høve til å kjøpe tombolaårer, samtidig som praten gjekk livlig rundt borda.

Bjørg Moltu kom på scena og framførte morsomme innslag i ord og tonar. – Med seg hadde ho «han som vann prinsessa og halve kongeriket» - Magne Staurset som var med som musikalsk tonefølgje . Det var visst ikkje så heilt lett å få han med seg til å gjere dette, men ho hadde både lokka og trua – ho hadde sine knep, meinte ho…. (latter)  Stordal og Norddal kommunar er no samanslått til Fjord kommune, og her tok ho fram viktigheita det er å få nær tilgang til kvarandre sitt kulturliv, fjella og naturen, gå dei same råsene – for ikkje å snakke om markedet – eit heilt nytt marked! Med ein snert av både humor og alvor fekk ho sagt nokre ord om legesituasjonen, dei store avstandane over fjord og fjell, sterke naturkrefter og ekstra utfordrande er det også no når dei har bestemt at ferga til Eidsdal skal ligge stille i 3 veker. – reine risikosporten – meinte ho. For å unngå at kommunen skal kome på Robeck-lista, avslutta ho med å ta fram tryllestaven med fylgjande ønskjer: Akra kadabra - budsjett i balanse, stå saman for å skape vekst og gode kår i alle bygdene, fellesskap m.m.

Takk til Bjørg for eit humoristisk innslag.

Så var det tid for trekning av alle gevinstane - alltid litt spenning rundt det.

Nestleiar Kristen Leganger overrakte blomster til leiar Ann Elise Dyrkorn som takk for det oversiktlege og gode arbeidet ho har gjort i samband med dette arrangementet, det fell ekstra mykje på henne når eit slikt arrangement skal gjennomførast.  Sekretæren i laget fekk også overrakt blomster som takk – overraskelse for begge to…

Avslutningsvis takka leiar alle frammøtte og håpa dei hadde kosa seg.

Vidare vart det retta ei stor takk til alle frivillige som har brukt tid og krefter for å få dette arrangementet vèl «i hamn» - både dagane før, under og etter festen.

\-         Applaus frå salen som takk –

NVB

Sekr.

Stordal og Liabygda pensjonistlag

Stordal og Liabygda pensjonistlag sitt første møte etter sommarferien, vart halde på Grendahuset onsdag den 13. september. 

Då møtet starta kl. 14:00 var nesten alle stolar og bord fullsatt – i alt 68 møtte fram denne dagen, Sjølv om vi ser fjelltoppane har fått eit fint slør av kvit nysnø i løpet av natta, var det ein fin haustdag.

Leiar Ann Elise opna møtet med å ynskje alle hjarteleg velkomne og håpte alle hadde hatt ein fin sommar.

Musikarane Fylling og Skrove var på plass og spelte opp til opningssangen vår «Sangen til bygda»

Lys vart tent og vi hadde ett minutt stillheit til minne om avdøde medlem Leif Overå.

Inger Lianes Hove las eit fint dikt av Halldis Moren Vesaas – «Om at leve i nuet»

Forfattar og pensjonert lærar Audbjørg Gjerde Lippert fortalde og viste bilder frå turen ho hadde til Antarktis ved nyttårstider 2009.  Etter nokre dagar i Buenos Aires flaug dei vidare til øygruppa Ildlandet - ei øygruppe som dannar Sør-Amerikas sørspiss. Her låg båten «FRAM» og venta på dei ca 235 spente og forventningsfulle personane som skulle vere med på denne turen/ekspedisjonen. Det tok eit par døgn før dei nådde land på Antarktis. Nokre stader var dei på land, andre stader utsyn frå båten.  Antarktis er eit område som ingen hadde vore på før for eit par hundre år sidan, berre observert av enkelte rundt 1820. Den første som steig i land, var visstnok nordmannen Carsten Borchgrevink – Han var leiar for British Antarctic Expeditionen i 1898-1900. Viktige meteorologiske og magnetiske observasjonar blei gjort då. Så hadde vi nordmannen Roald Amundsen som nådde fram til sjølve Sørpolen i 1911. 

Først då dei kom til Peterman Island, ei lita øy på vestkysten av Antarktishalvøya, fekk dei gå i land. Her var det ein britisk forskningsstasjon frå 1941-1962. Den vart imidlertid opna igjen som museum i 1996 og turistane fekk kome innom museet. Då måtte dei berre kjøpe kort og sende heim til seg sjølve - Eit bevis og minne om at dei virkeleg hadde vore til Antarktis .  Eit minne som sit sterkt att hos Lippert, var dei fascinerende flytande isfjella i Wilhelmina Bay. Her losna også eit isfjell ikkje langt frå der «FRAM» låg og ho såg det frå lugarvinduet sitt - både ein opplevelse, men også litt skremmande.   Synet av Table Icebergs (bordisfjell) på Antarctic Sound var også veldig spesiell fordi fjella her var heilt flate på toppen og opptil 5 km lange  Fuglar og dyr var også å sjå på Antarktis – spesielt var synet av pingvinane av ulike slag. Heile strender og oppetter fjellsidene var dekte av dei. Elles var der kval, spekkhoggere, sjøløver og sel – dei fekk sjå litt av kvart.

Det var interessant å høyre frå ekspedisjonen både i ord og i bilder.  Tusen takk til Audbjørg Gjerde Lippert.

Takk også til Fylling og Skrove for sang og musikk, ispedd med gode og morsomme historier.

Så var det tid for kaffipause og prat. Kjøkkengjengen serverte karbonade- og salatsmørbrød, samt kringle.  Det smakte veldig godt og praten gjekk livlig rundt borda. Viktig også å få god tid til å prate med kvarandre innimellom underhaldninga – ein del av det å kome saman.

Åresalet gjekk unna og fleire gjekk heim med gevinstar i handa.

Leiar gav ei orientering frå den fine turen pensjonistlaget hadde til Savalen 06.-08. september. Geiranger Turbuss v/ Tobben var sjåfør og guide. Turen starta frå Stordal over Trollstigen med stopp og lunsj på Dombås.. Då dei kom til hotellet – Savalen Fjellhotell og spa - vart dei mottekne av eit hyggelig vertskap, god service og ein god felles middag litt seinare. Hotellet hadde mange fasiliteter som kvar og ein kunne benytte seg av, treningssenter, innendørsbasseng, sauna mm. Dag 2 var det tur til gruvebyen Røros. Gruvene er nedlagde og andre næringar har teke over, men byen og minna er likevel mange. Fekk bl.a. omvisning i den heilt spesielle åttekanta Røros kirke frå 1784, også kjent som Bergstadens Ziir. Det var også tid til ein liten handlerunde før ein køyrde attende til hotellet for middag/sosialt samvær/dans. Dag 3 var det avreise etter frokost med lunsj underveis. Vêret var flott på heile turen og alle gav uttrykk for at dei var storleg fornøgd.

Vidare orienterte leiar om Fjordafesten som skal vere den 14. oktober. Mange bedrifter har sponsa laget, anten økonomisk eller ved å gi store verdifulle gevinstar til utlodning. Arrangering av Fjordafesten vert elles kunngjort ved plakatar og kunngjering i lokalavisene. Påmeldingsfrist er 01. oktober.

Stordal og Liabygda penjonistlag

**Eit lite referat frå Stordal og Liabygda Pensjonistlag sin**

**TUR MED HAVILA KYSTRUTER**

22\. juni var 30 stk klare til å dra på dagstur til Geiranger med Havila Kystruter.  Storfjord Turbuss v/sjåfør Bjørn Ove Olsen kjørte oss til Ålesund der vi gjekk om bord i Havila Kystruter kl. 10:00. 

Sjølv om ikkje sola skein akkurat denne dagen, var veret likevel fint – vi slapp skodde og regn. Vi fekk oppleve sjøvegen frå åpent kystlandskap til meir tronge fjordarmar med sine høge, majestetiske fjell og brusande fossefall. Sjøvegen frå Ålesund til Geiranger er ca 120 km og tek ca. 3,5 time.

Medan vi kosa oss med kaffi, lunsj, god prat m.m. , fekk vi nyte det praktfulle landskapet som langsomt glei forbi oss. Det var kjekt få sjå landsbygdene frå sjøsida. Dess lenger inn i fjorden vi kom, var det spesielt interessant å sjå dei fråflytta fjellgardane  som nærast klorer seg fast i fjellsidene –  Skotet, Skjortneset, Korsedalen, Vidhammer, Stordalsholmen, Smoge, Åkneset, Matvika, Oalsbygda, Skageflå, Blomberg og Knivsflå m.fl..

Vi kom på nært hald av dei kjente fossane Dei sju Søstre, Friaren og Brudesløret og fjellformasjonen Preikestolen. Dei to mest kjente fossane i Geirangerfjorden er Knivsflåfossen – betre kjent som DE SJU SØSTRE og FRIAREN. Dei to fossane ligg på kvar si side av fjorden, og når ein ser nærare på fossen FRIAREN,  legg ein merke til at nederst er berget forma som ei flaske og fossen deler seg brusende på kvar side.   Då seier historia at FRIAREN prøvde å fri til alle SJU SØSTRE, men fekk «Nei.» Derfor slo han seg på flaska…..

I 2005 blei Geirangerfjordområdet innskrive som Vestnorsk fjordlandskap på UNESCO\`s liste over verdens kultur- og naturarvstader

Dette er naturen på sitt villaste og vakraste !

Ein fin tur med sosialt samvær og fine opplevingar vart avslutta ca kl. 20.00. 

NVB

Bernt Fylling og Halvor Sporsheim som underheldt oss med fin song og musikk

IMG_9464 (1)

07\. juni var vi samla til siste medlemsmøte i Stordal og Liabygda pensjonistlag før laget tek nokre månader sommarferie.

Leiar Ann Elise Dyrkorn ynskte alle dei 59 frammøtte velkomne, og då spesielt til dei inviterte æresmedlemane i laget, til demenskoordinator Siv Ingeborg Støvreide og musikarane Bernt Fylling og Halvor Sporsheim.

Vi sang vår tradisjonelle opningssang «Sangen til bygda» før vi tente lys og minnes avdøde Emil Staurset med ett minutt stillheit. Han har vore laget sin trufaste medlem gjennom 17 år.

Ann Elise gav ei kort orientering om turen med Havila Kystruter den 22. juni – her er mange påmelde og turen går som planlagt.  Når det gjeld turen til Savallen den 06.- 08. september med Geiranger Turbuss AS, vart påmeldingsliste sendt rundt på borda. Det viser seg at antall påmelde er så stor at turen vert bestilt. Det er fortsatt mulegheit for fleire til å melde seg på.  Ta då kontakt med Ann Elise Dyrkorn – tlf. 993 18 233 eller mail: [ann.elise.dyrkorn@live.no](mailto:ann.elise.dyrkorn@live.no)

Etter litt sang og musikk var det ei orientering av Støvreide som presenterte seg sjølv og si rolle som demenskoordinator.  Demens er som kjent ein hjernesjukdom som fører til hukommelsessvikt, sviktande handlingsevne, personlegheitsendringar mm  Det er viktig å vere open om sjukdomen, og ein må gjerne ta kontakt med henne – ho vil vere tilgjengeleg både for den demente og for pårørande, kan tilby samtalar, kartlegge hjelpebehov, tilbud/tenester frå kommunen m.m. Dagsenteret – som ligg i underetasjen på Stordalstunet – er åpent på dagtid måndag og torsdagane. Det vart delt ut brosjyrer og mulegheit for spørsmål.  Som takk fekk Støvreide overrekt blomster.

Så var tida komen til å gjere litt stas på dei mangeårige og trufaste medlemane i Stordal og Liabygda pensjonistlag.  Heile 25 personar med eit medlemskap mellom 30 og 17 år , var spesielt inviterte. Gledeleg var det å sjå at mange av dei hadde høve til å kome i dag. Leiar Ann Elise retta ei stor takk til kvar og ein av dei for innsatsen dei på kvar sin måte har bidratt med gjennom alle desse åra: Elise Almås , Henrik Hagevik, Karn Hove, Ole Aasen, Arna Aasen, Sigrun Hove, Oddhild Vassli, Pernille Årset, Lidny Hove, Jon Haraldsvik, Kirsten Amdam Hove, Ottar Overå, Ottar Storheim, Karin Overå , Margit Isvik, Leif Overå , Anne Karin Lamo, Steinar Lamo, Inger Myrvang, Nelly Tøsse, Hildur Vinje, Grete Øvrebust, Karl øvrebust, Magda Staurset og Peder Holtleite .

Dei fekk så tildelt pensjonistforbundet sitt hedersmerke som pin og kvar sin rosebukett - kvar enkelt medlem fekk stor applaus frå salen. Musikarane viste sin gratulasjon ved å spele «Congratulations».  – Og bilde av denne flotte «buketten» var det sjølvsagt mange som ville ta.

Så var det tid for kaffipause. Kjøkkenkomiteen varta opp med kaffi, gode karbonade- /salatsmørbrød og bløtkaker. Praten gjekk livlig rundt borda, eit tydeleg bevis på kor kjekt det er å få kome saman til ein prat og ha det litt sosialt saman.

Takk også til Fylling og Sporsheim som innimellom gav oss fin sang/musikk, ispedd med morsomme historier. Det å få synge gir trivsel og betre humør hos alle som er glad i musikk. Og jammen var det nokre par som svinga seg på dansegolvet også – kjekt !!

Til slutt orienterte leiar litt om haustens program, bl.a. «Fjordafesten» som i år er Stordal og Liabygda pensjonistlag sitt ansvar å arrangere. Ho takka for frammøtet, ynskte alle ein god sommar og bad oss ta godt vare på kvarandre.

Neste medlemsmøtet vert altså i september.

Din medlemsside

Er du ikke medlem?

BOWLINGRAPPORT

Andre nyheter