Lesjaskog Pensjonistlag

Kjekt møte, som eigentleg skulle vore aprilmøtet, men den faste dagen kolliderte med påska.

På programmet stod - utanom dei faste møtepostane - underhaldande besøk for ei songgruppe frå Åndalsnes, som med eigen pianist og felespelar både song eigen songar og drog laget med i sprudlande allsong frå den nye songboka.

Deretter samlast vi som vanleg til middag, orientering om aktuelle saker frå fylkeslaget og forbundet. Song-delen tok såpass tid at vi måtte avlyse kvissen, men åresalet måtte sjølvsagt gjennomførast på normal måte med mange gevinstar.

20230328_131453

Leiar Tirunn takka gruppa for inspirerande og underhaldande tilbod.

20230328_140333

Referat frå medlemsmøte 28. mars

Møtet behandla vanlege årsmøtesaker:

1.  Opning (ved leiar)
2.  Konstituering, Leoar Torunn vart møteleiar, Grete skrivar
3.  Årsmelding, Torunn las opp
4.  Rekneskap, Grete presenterte
5.  Aktivitetsplan, Torunn presenterte
6.  Budsjett, Grete presenterte
7.  Val, nemndleiar Hans la fram, alle framlegg vedtekne
8.  Innkomne saker (ingen), før
9.  Avslutning

Etter avslutta formalitetar vart sentralstyrets forslag til oppjustering av medlemskontingenten i 2024, 20225 og 2026. Møtet vedtok ein resolusjon mot forslaget.

Deretter flytta vi oss til ein mindre møtesal, der middagen med kaffe og kake vart servert.

Torunn legg fram orienteringssaker før serveringa.

20230207_151733 (1)

20230207_152222 (1)

Torunn Enstad, Per Furseth og Grete Marry Brøste.

20230207_164103

Referat frå årsmøtet 7. februar

Lesjaskog pensjonistlag avslutta ein aktiv sesong med julebord tysdag 6. desember. Laget har månadlege møte, vanlegvis på Bjorliheimen, men denne gongen leigde vi Bjorli samlingshus. Medlemsmøta er opne for alle, men julebordet vart sponsa og vart avgrensa til medlemene.

Møtet starta med eit særskilt innslag, etter at leiar Torunn Enstad hadde ynskt velkomen. Lesja historielag hadde bede om å få nokre minutt til å heidre to av sine eldsjeler, som òg er medlemer i pensjonistlaget: Bjørg Nordset og Peder Bjorli. Dei gjekk ut av styre og stell i historielaget tidlegare i år, men hadde ikkje høve til å vere til stades og bli avtakka på årsmøtet. Da høvde det å gjere det nå, ved leiar Rolf Sørumgård og årbokredaktør Oddvar Romundset.

Før maten hadde Grete Marry Brøste funne fram og las det fine diktet _Gåmål jul på Lesja_ av Audun Høgbrenna.

Så kom det rikeleg med julemat som vi kunne kose oss med ei god stund. Inn i mellom song vi kjende julesongar. Paul Gunnar Lien spelte attåt allsongen på el-piano.

Meir underhaldning fekk vi ved Jørgen Nørstegård og Magne Lønstad. Jørgen var tidleg aktiv med smalfilmkamera, og i nyare tid fått filmar digitaliserte slik at dei kan visast med moderne utstyr. Nå kom dei med ein som viste fesjået på oppstillingsplassen på Lesja (der barnehagen ligg nå) i 1972, som Magne kunne kommentere. Det var mange som kjente att både folka og det miljøet som var på slike arrangement.

Så vart det kaffe, kake og kviss med klassiske julespørsmål. Det vart ‘close race’ resultatmessig – gode resultat på alle bord!

Leiar i Lesja historielag, Rolf Sørumgård, takka Bjørg Nordset for innsatsen.

IMG_5957

Årbokredaktør Lesja historielag (t.h.) Oddvar Romundset takka Peder Bjorli for innsatsen.

IMG_5967

Grete Marry Brøste las Gåmål jul på Lesja av Audun Høgbrenna.

IMG_5968

IMG_5977

Leiar Torunn Enstad gjekk igjennom julekvissen.

IMG_5984

Julebord, Lesjaskog pensjonistlag

Ivar Hoel fortel om verteikn og refererer til primstaven.

20221002_142951

20221002_152148

20221002_171333

Opplegget for bildekvissen - bilde med nummer, pil som peikte på eit hus og fleire forlag til namn på dei som budde der i 1962, der eitt var det korrekte.

Kviss-døme

Kjekk Eldredag for Lesja kommune på Bjorliheimen søndag 2. oktober, arrangert av Lesjaskog pensjonistlag. Desse arrangementa går på omgang mellom pensjonistlaga i Lesja og Lesjaskog, og i år var det vår tur. Dei er gratis for alle innbyggarar i alder 67+.

Programmet bestod av:

*   Kåseri om verteikn av Ivar Hoel frå Fræna
*   Kviss med Widerøebilde frå 1962 ved Arnfinn Kjelland
*   Musikkinnslag med Kari Lien
*   Middag med dessert, kaffe og kake
*   Loddsal og hyggeleg samver.

Eldredagen 2022 for lesja kommune

Leiar i Lesjaskog pensjonistlag takkar Silje for flott bidrag. Foto: Arnfinn Kjelland.

20220906_132658

Silje og den flotte bildeveven som kan vere ein kopi av Hekneveven.  Foto: Arnfinn Kjelland.

20220906_134519 (1)

Hovudinnslaget på Lesjaskog pensjonistlags første møte over sommaren var altså Silje Stueflottens foredrag om oldemor [Ingeborg Stueflotten](https://lokalhistoriewiki.no/wiki/Ingeborg_Stueflotten_(1877-1969)) og hennar verke som bildevevar. Med foredraget følgde eit stort utval av vevar etter Ingeborg.

Ingeborg vevde heile livet og let etter seg mange flotte vevstykke, der særleg den dramatiske historia om bildeveven "'De vise fra Østerland" gjorde inntrykk. Den vov Ingeborg i åra kring 1930, og den kom tilbake til Stuguflotten i nyare tid.

Veven kan vere ein kopi av den kjende Hekneveven, vove av to siamesiske tvillingar frå Dovre på 1600-talet. Den inspirerte i alle fall forfattaren Lars Mytting til å skrive boka _Søsterklokkene_ (2018).

Etter foredraget var det høve til å sjå godt på det store utvalet vevnader Silje hadde med seg, og praten gjekk livleg både i salen og under måltidet etterpå.

Om Ingeborg Stueflotten og vevnadene hennar

Av _Aud Einbu_

Etter ein litt kald og hustrig morgon med nysnø, kom Sondre og Tanya som ein frisk vårvind til møtet vårt 3. mai med sin dans. Dansegleda smitta fort over på publikum. Pensjonistane gløymde alt og levde seg heilt inn i dansen saman med dei.

 Men dei formidla ikkje berre sin utruleg flotte dans, det låg meir alvorlege hendingar dei hadde opplevd den siste tida dei ville fortelja oss om mellom danseøktene.

 Før krigen i Ukraina starta, budde dei i Kiev. I Ukraina var det ingen som trudde at Russland ville starte krig.

Sondre vart likevel åtvara frå Norge, og Dovre, om at han måtte reise heim. Han reiste først medan Tanya vart att i Ukraina.

 Men så small det.

Etter at Tanya hadde høyrt Putin si første tale, kasta ho seg i bilen og køyrde mot Norge. Sondre møtte henne i Polen, og nå er dei busett i Dovre.

 Krigen i Ukraina var grunnen til at vi fekk oppleva verdensmesterane i boogie woogie på Lesjaskog pensjonistlag sitt møte. Møtet med desse to dansarane som viste oss slik danseglede på same tid som dei er flyktningar frå krigen, gjorde at det vart eit møte vi seint vil gløyme.

2020_edf_tanja_sondre_002[8361]

2017-10-07_22h51-2017-10--22h51_JJ3_7721[8363]

Danseglede!

Din medlemsside

Er du ikke medlem?

Nyheter

Kategori

Vis også nyheter fra