Askvoll Pensjonistlag

35 frammøtte. Hans Edvard Olsen frå Pensjonistforbundet hadde eit interessant foredrag om nordnorsk humor, med mange gode eksempel. Til tross for klare meldingar på førehand om behov for framvisingsutstyr; prosjektor, lerret og lydanlegg, oppstod det tekniske vanskar. Vi greidde ikkje å løyse lydproblemet. Vi starta treffet 10 min over tida, og foredragshaldaren greidde å endre opplegg og framførde foredraget utan bilde/videosnuttar. Ei utfordring for pensjonistlaget at dette ikkje må skje igjen.

Kari Fismen losa oss gjennom programmet, med ord for dagen og allsong. Ho takka også Hans Edv Olsen for foredraget med bok om Anders Askevold.

Karbonadesmørbrød, kaffi og kringle smakte godt. Underhaldning under måltidet med song og musikk ved Jakob Øyren og Jarl Audun Rivedal, ispedd godt humør og små historier.

Til tross for tekniske vanskar og litt tett program ei vellukka samling.

Pensjonisttreff 20.04.22

Vel 30 personar møtte fram til pensjonisttreffet. Solveig Sølvberg ynskte velkommen, og etter allsongen "Din ungdom" hadde Kjell Grane ord for dagen: eige dikt om krigen i Ukraina, som han kalla "Den siste soldat". Dagens foredrag var også ved Kjell: Slektsgransking fortel om levevilkår. Bakgrunnen for foredraget var eit årelangt arbeid, som hadde starta med oppgåve på gymnaset. Vi fekk høyre om bu- og levekår på ein liten gard i Guddal, samstundes som vi fekk med mykje historisk stoff om gardsutvikling på Vestlandet. Avslutninga av foredraget var nær familiehistorie, som gav eit innblikk i helsetilbod og samferdsel i Askvollområdet for 50 år sidan.

Etter foredraget fortalde Marie Olset ei fin historie om skate, som oppfylgjing av Bjarne Haugen sitt innslag på førjulstreffet.

Allsong før maten var "Din tanke er fri". Matøkta bestod av gode smørbrød, kaffi og ostekake.

Åresalet gjekk av stabelen med god hjelp av Ingvild Strømmen som handterte Samfunnshuset sitt trekkeapparat. Utruleg mange flotte gevinstar, som dei frammøte hadde med.

Etter åresalet hadde Solveig litt informasjon frå styret: Årsmøte i Pensjonistforbundet Sogn og Fjordane går av stabelen på Skei 4. og 5. april. Askvoll pensjonistlag stiller med utsending og observatør. Elles var det påminning om Møteplassen og Prosjekt aktive møteplassar som varer til 15. juni. Det er stort behov for frivillige som kan stille opp som kaffevert og/eller datahjelpar. Det gjeld både no og ved ein framtidig møteplass. Besøksvennkurs i regi av prosjektet og Askvoll Røde Kors blir arrangert i Førde på Scandic Sunnfjord hotell 23.04. kl 15 - 18. Påmeldingsskjema med nærmare informasjon er klare til utdeling, oppmoding om å melde seg!

Pensjonisttreffet blei avslutta med allsongen "De nære ting".

Pensjonisttreff 23.03.22

Lindås Pensjonistlag

Lindås pensjonistlag sitt årsmøte, 24. februar 2022, på Westland Hotel, har valt dette styret.

Helge Fjellanger attval for 2 år som leiar, Bjørn Thorson ny for 2 år som nestleiar, Olav M. Steinsland attval for 2 år som styremedlem og helsekontakt, medan Svein Haukås (kasserar), Oddrun Vabø (sekretær) og Arne Aven (styremedlem) ikkje var på val.

Styret i Lindås pensjonistlag

Årsmøtet i Askvoll pensjonistlag gjekk av stabelen 23.02.22. Ca 45 personar møtte fram. Påmelding pga mat. Årsmøtesakene gjekk greitt, fint leia av Øystein Helle. Kjell Grane blei vald som referent og 2 møtedeltakarar melde seg til å skrive under. Rekneskap blei lagt fram ved kasserar Kari Fismen, årsmelding og handlingsplan ved leiar Solveig Sølvberg, val ved valnemnda representert ved Jorunn Stubseid. Endring i styret er at ein/eitt styremedlem, som ikkje ynskte attval, gjekk ut. Ein/eitt nytt styremedlem blei vald. Matøkt bestod av god betasuppe og kaffi med bløtkake til. Underhaldning ved Gitarvenninnene var populært, dei bidrog med songar før og etter maten. Spesielt for 2022 er at Askvoll pensjonistlag har 50- årsjubileum dette året.

Årsmøte  23.02.22

Treffet var annonsert på vanleg måte med plakatar og sms. Gratis deltaking. Pensjonistlaget hadde ynskje om å yte noko som kunne komme alle pensjonistar tilgode og hadde litt pengar att av statsforvaltningsmidlane. 56 personar var til stades, av desse 12 ikkje-medlemmer.

Kari Fismen ynskte velkommen og etter allsongen Julekveldsvise leste ho diktet Å leve i nuet av Piet Hein. Dernest underhaldning ved Helle X 3; Øystein, Geir og Solmund Helle song 3 viser og fekk publikum med på refrenget.

Bjarne Haugen fortalde om tradisjonen i sin familie med skate som julemat. Vi fekk vere med på heile prosessen med førebuing som starta i februar og som skulle ende opp som eit godt måltid julafta. Bjarne formidla stoffet på ein flott måte, og vi fekk sjå korleis tørka skatevenger ser ut.

Kjell Grane fortalde så om ein tradisjon frå juletider; maling av kors på døra for å halde vonde makter borte. Kjell hadde også sine kjelder frå eigen familie og har funne stoffet i samband med slektsgransking.

Før maten leste Kari diktet Den siste glede av J. Wilde. Juletallerken blei så servert på ein flott og effektiv måte.

Før dessert og kaffi hadde Solveig Sølvberg ei orientering om arbeid i laget. Planen Leve heile livet skal behandlast i kommunestyret i februar-22. Alle blir oppmoda om å finne planen på nettet, lese og fylgje med i vidare behandling i kommunen.

Karamellpudding og kaffi smakte godt. Helle X 3 bidrog med 2 songar. Jakob Øyren akkompagnerte og spelte til underhaldning etterpå. Solveig avrunda treffet, takka for underhaldningsinnslaga med litt "godis" frå Delikatessen. Treffet blei avslutta med allsong Det lyser i stille grender.

Førjulstreff  01.12.21

Førde Pensjonistlag

Inger Marie Stokker vil snakke om våre utfordringar i 2022 og forventningar til lokallaga. I tillegg bli det vanlege årsmøtesaker som årsmelding, rekneskap, aktivitetsplan og budsjett for 2022 og val. 

Servering av kaffi og rundstykke. Billett kr 200,-

Vi legg ved styret si årsmelding, rekneskap og budsjett og valkomiteens si innstilling.

**Vi ønskjer deg velkommen, gledar oss til å sjå deg og håpar du vil melde deg på til Kjell Sandnes; tlf 908 46 244 eller Åsmund Rakke; tlf 901 53 789 innan 20. februar 2022.**

Vel møtt !

20220208 Innkalling og sakliste.doc

20220208 Årsmelding og rekneskap 2021.doc

20220208 Innstilling valkomiteen.doc

Vedlegg

Årsmøte i Førde Pensjonistlag 2022

Med atterhald om at det er mogeleg som følgje av smittevernreglar, vil årsmøte i Førde Pensjonistlag bli arrangert 

**onsdag 23. februar 2022 på Thon Førde Hotell kl 17 00.**

Vi har invitert gjest frå forbundet sentralt (ikkje avklart enno kven som kjem) til å snakke om «Pensjonistforbundet sine utfordringar framover og forventningar dei har til lokallaga»

I tillegg vil det bli dei vanlege årsmøtesakene som årsmelding og rekneskap, aktivitetsplan for 2022, budsjett for 2022 og val.

Annonse vil komme i Firda 6. februar 2022

Dersom de har saker som de ønskjer å ta opp så vil vi gjerne at de sender dei til

styreleiar Kjell Sandnes; (kjell.sandnes@enivest.net) innan 31. januar 2022.

Årsmøte i Førde Pensjonistlag

38 personar møtte. Opning av treffet var songinnslag ved Jenny Sande Askevold. Med 2 songar blei dette ein fin start. Dernest kunne vi ynskje leiaren i pensjonistforbundet Sogn og Fjordane Nils Gjerland velkommen. Han ga fyrst orientering frå arbeidet i fylkeslaget og poengterte kor viktig det er at pensjonistforbundet kan ha politisk påverknad. Etterpå tok ha oss alle med på ei reise med utgangspunkt i eigne opplevingar gjennom livet. Det var underhaldande, interessant og gjenkjennande.

Etter matøkt med wraps/lefse, wienerkringle og kaffi var det åresal. Alle hadde med gevinstar og vi fekk hjelp av Ingvild Strømmen til trekkinga. Åresalet gjekk greitt unna og mange flotte gevinstar blei fordelte.

Avslutning med allsong og takk til alle frammøte for bidrag med gevinstar.

Din medlemsside

Er du ikke medlem?

Nyheter

Kategori

Vis også nyheter fra